Претходно
Дрвена колиба во Хрватска со прекрасен ентериер, но и природа која освојува
По долгото и жешко лето, мора да признаеме дека со големо задоволство ќе се обидеме да ги поминеме претстојните викенди во природа опкружени со малку пониски температури кои се подеднакво шармантни и имаат своја привлечност. Ова првенствено се должи на прекрасните дрвени колиби кои изгледаат како од бајка, а една од нив ја најдовме недалеку од Риека во Хрватска.
Оваа колиба е без никакво размислување една од најубавите дрвени колиби што некогаш сме ги виделе и се наоѓа во Мркопље, кој е оддалечен само 35 километри од Риека. Оваа колиба нуди и прекрасна тераса и градина, како и прилично импресивен ентериер каде што ќе сакате да останете засекогаш. Неодолива и пријатна, ова место е совршен избор за сите оние кои сакаат целосно да се релаксираат и да заборават на градските гужви и сите обврски.
Самата колиба е исклучително добро опремена, така што ќе најдете многу книги за читање, мапи, но и ситници за подготовка на оброци кои сигурно ќе ви бидат од голема помош. Ако нешто тргне наопаку, во близина има два маркети каде лесно можете да купите сè што ви треба, а потоа безгрижно да уживате во сите убавини на околината.
Огнот во каминот, преубавиот поглед и шармантниот ентериер што останува во меморијата се дефинитивно доволно добри причини да размислите за резервација на ова прекрасно сместување уште денес. Не се сомневаме дека ќе бидете целосно воодушевени!
Погледнете ги овие 10 магични сцени поради кои ќе сакате да ја поминете есента на тераса или во градината.
