Претходно
Рецепт за кремаст десерт: Тирамису со малини
Овој десерт се подготвува многу брзо и многу е вкусен.
Потребни состојки:
- 250 мл слатка павлака
- 50 гр шеќер во прав
- 500 гр сирење маскарпоне
- 1 шолја кафе
- 3 лажици амарето или друг алкохол
- 150 гр бисквити
- 4 лажици какао
- 200 гр малини
Начин на подготовка:
Изматете ја слатката павлака со шеќерот и додајте го маскарпонето. Комбинирајте го кафето со амаретото. Потопете ги бисквитите еден по еден во смесата со кафе и алкохол.
Во сад наредете еден слој бисквити потопени во кафе. Ставете половина од смесата со павлака и сирење и покријте со уште еден слој бисквити. Ставете го остатокот од смесата. Покријте го горниот дел со какао, а потоа покријте ја целата површина со малини. Ставете ја тортата да стои 2-3 часа во фрижидер.
Погледнете го и овој рецепт за тирамису торта од палачинки.
