12 работи кои ви се случуваат баш кога ќе си легнете да спиете

Се будите наутро слушајќи го алармот и размислувате како треба само да го издржите денот пред вас за повторно да си легнете да спиете. Успевате да му се спротивставите на заморот и конечно паѓа ноќ и вие легнувате да спиете. Но… универзумот сковал завера против вас. Баш тогаш мора да ви се случи барем една, а веројатно и неколку од следниве работи едноподруго:

1. Вашиот сосед тогаш реши да вежба на својот инструмент. Тоа е сепак подобрата варијанта од соседот кој во ниедно време кова шајки или нешто буши со бормашина.

2. Вашиот ум одлучува да ја испланира цела следна декада од вашиот живот. На пример, круцијално е тогаш да смислите што ќе носите на веридбата на вашиот 12-годишен внук.

3. Никако не можете да се наместите да ви биде удобно во креветот.

4. Ви се приодува во веце.

5. Ви се јавува другарка која тогаш сака да сподели сѐ ново што ѝ се случило од последниот пат кога сте се чуле/виделе. Притоа не штеди на деталите, ниту на паузите меѓу речениците во очекување на вашата реакција.

6. Тогаш му текнува и на времето да се сврти против вас. Дождот можеби е добредојден, но силните грмотевици баш и можеа да ја прескокнат вечерва.