Пропржени тестенини со зеленчук и павлака

Вкусен ручек со богат вкус…Потребни состојки:

• 200-300 г сварени тестенини
• 4 пиперки во различни бои (жолта, зелена, портокалова и црвена)
• 2 лажици масло за готвење
• сол и бибер
• биозачин
• 200 мл кисела павлака

Начин на подготовка: Измијте ги пиперките и исечете ги на кругови. Во тавче загрејте го маслото и потоа ставете ги пиперките.

Додадете малку биозачин, а по десет минути додадете ги и тестенините. Ставете малку сол и бибер и лесно мешајте со дрвена лажица за тестенините да се запечат убаво.

Кога тестенините ќе добијат златно-жолта боја, тргнете ги од оган и оставете ги неколку минути да се оладат. Потоа додадете ја киселата павлака, убаво измешајте ги и послужете ги.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.