Вкусно и здраво домашно чоколадо

Вкусно и здраво домашно чоколадо

За да уживате во вкусот на чоколадото, не мора да го купувате. Иако можеби нема да изгледа како купечкото, со овој рецепт можете да направите вкусно и здраво чоколадо без шеќер, масти и адитиви.

Вкусно и здраво домашно чоколадо

Потребни состојки:

  • 70-100 грама какао
  • 50 милилитри млеко
  • 2 лажици мед (наместо мед можете да употребите фруктоза или кокосов шеќер)
  • 50 грама обично или кокосово масло
  • Малку цимет

Начин на подготовка:

  • На тивок оган загрејте го млекото, но не му дозволувајте да зоврие. Промешајте, додајте ги маслото и циметот и повторно промешајте.
  • Во сад измешајте ја смесата со какаото. Какаото додавајте го постепено и со мешање за да не се формираат грутки.
  • Готовата смеса загрејте ја на тивок оган или пареа.
  • Тргнете го тенџерето од оган и додајте мед.
  • По желба можете да додадете исечкани или цели пропржени ореви, бадеми, лешници или суво овошје.
  • Смесата можете да ја ставите во калап или да ја поделите на мали делови. Оставете ја еден час во фрижидер, а потоа уживајте во домашно направеното чоколадо.

Пробајте го и овој здрав и вкусен рецепт за чоколадо со кокосово масло.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар