Претходно
Вкусен колач со банани
Неодолив десерт кој брзо се подготвува
Потребни состојки:
За колачот:
- 260 грама брашно
- прашок за печиво
- 1 кафена лажичка цимет
- ½ кафена лажичка сол
- 120 грама несолен путер
- 200 грама шеќер
- 110 грама кафеав шеќер
- 2 јајца
- 1 кафена лажичка екстракт од ванила
- 2 големи (или 3 средни) испасирани банани
- 115 грама полномасна кисела павлака
За глазура:
- 170 грама крем сирење, на собна температура
- 60 грама несолен путер, на собна температура
- 260 грама шеќер во прав
- 1 кафена лажичка екстракт од ванила
- 1 кафена лажичка сок од лимон
Начин на подготовка:
1. Загрејте ја рерната на 175 степени. Во еден сад измешајте ги брашното, прашокот за печиво, циметот и солта.
2. Во друг сад со миксер измешајте ги путерот и шеќерот. Додајте ги и јајцата едно по едно. На крај додадете ги испасираните банани и екстрактот од ванила.
3. Во вториот сад додајте половина од смесата со брашно и продолжете да мешате. Потоа измешајте со павлаката, па на крај додадете ја и втората половина од смесата со брашно од првиот сад.
4. Намачкајте го тавчето за печење со путер, истурете ја целата смеса и печете на загреаната рерна 20 минути. Треба да стане кафеаво и меко. Почекајте целосно да се излади пред да го додадете преливот.
5. Потоа направете прелив мешајќи ги со миксер состојките наменети за тоа. Ако ви е премногу густ, додадете му две супени лажици вода додека мешате. Потоа нанесете го врз изладениот колач, исечете го на парчиња и сервирајте.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
