Претходно
Вкусен и освежителен сладолед од јагода и праска
Искористете го свежото овошје и направете одличен домашен сладолед
Потребни состојки (за 8 сладоледи):
- 150 г свежи јагоди
- 2 презреани праски
- 10 поголеми листови од нане
- 3 супени лажици шербет
- 360 мл ладна вода
Начин на подготовка:
Во блендер ставете ги јагодите, 1 супена лажица шербет и 120 мл вода и блендирајте додека состојките не се спојат добро. Земете 8 калапи за сладолед (може да ви послужат и пластични чаши со погодна форма), и наполнете 1/3 од смесата со јаготките. Во секој од калапите ставете по едно дрвено стапче за сладолед и оставете ги во замрзнувач 10-15 минути, додека смесата не почне да се зацврстува.
Праските исечете ги на пола, отстранете ги семките и исечете ги на парчиња. Во блендер ставете ги праските, нането, 2 супени лажици шербет како и преостанатата вода, и блендирајте додека смесата не стане хомогена. Додајте ја смесата во калапите за сладолед и оставете да се замрзне добро.
Совет:
За да направите шербет, искомбинирајте еднаква количина вода и шеќер и ставете ги на тивок оган додека шеќерот не се растопи. Оставете смесата да се олади.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
