Уникатно и елегантно: Сите тајни на модниот минимализам

Минимализмот освојува сè повеќе трендсетерки, а тоа воопшто не е изненадување бидејќи бесконечното купување води до еден куп облека што не може да се комбинира. Плакарот е преполн со облека и чевли, но вие сè уште немате што да носите. Најдоброто решение за оние кои веќе се уморни од сето ова е да пробаат минималистички стил на облекување.

1. Изберете кои парчиња облека најмногу ги носите

 

View this post on Instagram

 

A post shared by Petra (@pepamack) on

Суштината на минимализмот не е само во изборот на најнеутралната облека. Откријте која облеката најчесто ја носите, што ви недостасува и што немате носено со месеци. Ако постојат парчиња облека што не сте ги носеле цела година, ослободете се од нив затоа што веројатно никогаш повторно нема да ги облечете.

2. Направете универзални формули

 

View this post on Instagram

 

A post shared by USHATÁVA (@ushatava_live) on

Сами одлучете кои работи ги носите почесто: фармерки со маица или панталони со кошула? Така најбрзо ќе откриете какви парчиња облека ви недостасуваат. Основната формула вклучува едноставни маици, фармерки, висококвалитетни материјали што не ја менуваат формата по првото перење, костуми, палта и панталони или здолништа.

Моделите може да бидат различни, но подобро е да се фокусирате на едноставен крој и некомплициран дизајн. Со таквите парчиња облека можете да создадете десетици интересни комбинации што секогаш ќе бидат во мода.

Друга причина зошто облеката брзо ви станува здодевна е тоа што таа ви се допаѓа, но не и кога ќе ја облечете. Ова се должи на погрешно направениот избор, така што одразот во огледалото воопшто не ви изгледа привлечно. Навикнете се да ја пробувате облеката и внимателно да забележите дали ви стои како што сакате.

3. Проширете ја палетата

 

View this post on Instagram

 

A post shared by USHATÁVA (@ushatava_live) on

Погрешно е мислењето дека минимализмот се заснова само на црна и бела облека. Минималистичката палета може да биде различна и не мора да биде неутрална. Ако ве привлекуваат мирни и дискретни нијанси, имајте на ум дека дури и омилената беж боја има илјадници различни нијанси кои можат да се комбинираат едни со други. Ако во вашата палета ги додадете бојата на вино, смарагд и чоколадо, ќе добиете софистициран и пријатен изглед.

Погледнете како да креирате свежи и модерни комбинации без да трошите пари.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар