Тсатсики салата: Оригинален рецепт што ќе ви го додаде вкусот на Грција во секој оброк

Освежувачка салата која ќе стане вашиот омилен додаток на исхраната

Потребни состојки:
  • 1 голема краставица
  • 160 грама грчки јогурт
  • 1 лажица маслиново масло
  • 2 лажички копар
  • 1/5 лажичка лимонов сок
  • 1 поголемо чешне лук
  • 1/4 лажичка сол
Начин на подготовка:

Најпрво изрендајте ја краставицата, а потоа истискајте ја со раце за да го исцедите вишокот вода. Така исцедена, ставете ја краставицата во сад, па додајте го јогуртот, маслиновото масло, копарот, солта, лукот и лимоновиот сок, па добро промешајте и оставете да отстои околу 5 минути. Пробајте ја салатата, па ако сакате повеќе зачин, слободно додајте.

Можете да ја јадете веднаш или прво да ја оставите да се олади во фрижидер. Исто така, ако ја чувате во фрижидер, таа ќе биде вкусна и во наредните четири дена. Добар апетит!

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар