Што е азелаична киселина и зошто треба да ја вклучите во негата на кожата?

Што е азелаична киселина и зошто треба да ја вклучите во негата на кожата?

Кога размислувате за лекување акни или розацеа, сигурно никогаш не сте помислиле на азелаичната киселина. Оваа киселина неодамна стана омилена меѓу лекарите затоа што е исклучително ефикасна во решавањето на некои проблеми со кожата. Еве што треба да знаете за состојката за која многу се зборува во моментов.

Што е азелаична киселина и зошто треба да ја вклучите во негата на кожата?

Што е азелаична киселина?

Станува збор за заситена дикарбоксилна киселина која главно се добива од пченица, јачмен и ‘рж и се користи како пилинг. Има антимикробно, антиинфламаторно и кератолитичко дејство, спречува појава на комедони и содржи антиоксиданти.

Доколку е потребно, дерматолозите им даваат рецепти на пациентите за концентрации од 15% и 20%, но во слободна продажба може да се најде во пониски концентрации, најчесто 10%. Азелаичната киселина може да се купи и да се користи во различни форми во зависност од регионот за кој е наменета. Геловите и кремовите се користат за лице и за помали површини, а пената за поголеми како што е грбот.

За што се користи?

Азелаичната киселина се користи во борбата против акните, за третман на розацеа, за осветлување на делови со умерена хипергиментација и како пилинг. Таа решава слични проблеми како салицилната киселина и ретинолот, но помалку ја иритира кожата.

Како функционира?

На прво место, азелаичната киселина ја блокира синтезата на бактерии кои предизвикуваат акни и го регулираат формирањето на клетките на кожата. Ова спречува насобирање на мртвите клетки на кожата внатре во порите и на површината на кожата, што значи дека не се формираат ниту затворени ниту отворени комедони.

Исто така, азелаичната киселина спречува прекумерно производство на меланин и на тој начин спречува формирање дамки и пеги, а истовремено ги осветлува веќе постоечките дамки што се со умерен интензитет.

Бидејќи има антиинфламаторно дејство, ефикасна е и како третман на розацеа така што ги смирува воспалителните процеси на кожата кои се одговор на агресивното влијание на надворешната средина.

Како се користи?

Постои концентрација од 10% во слободна продажба и таа е доволна за повеќето луѓе (и проблеми).

Многу добро својство на оваа киселина е тоа што може да се комбинира со други киселини (АХА и БХА), како и со ретинол, витамин Ц, нијацинамид и хијалуронска киселина, а можат да ја користат и бремените жени.

Азелаичната киселина може да се користи двапати на ден, наутро и навечер, но ако имате чувствителна кожа, се препорачува само еднаш и тоа како дел од ноќната рутина. Она што е важно е да користите висок заштитен фактор за време на употребата, особено ако ја користите во текот на денот.

За кого е наменета?

За сите што имаат проблеми со акни, мозолчиња, розацеа, благи и умерени дамки пигментација, без оглед на видот на кожата.

Прочитајте ги овие 11 правила за нега на телото што не треба да ги игнорирате.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар