Претходно
Семејна пица од палента – подобра и од класичната!
Ви предлагаме здрав рецепт за пица, кој може да го подготвите заедно со вашите најблиски и да уживате во прекрасните семејни моменти.
Потребни состојки за пицата:
- 1 чаша палента (или пченкарно брашно) (160 г)
- 1,5 чаши вода (360 мл)
- 1,5 чаши млеко (375 мл)
- половина чаша рендан пармезан (50 г)
- 4-5 големи лажици пица сос
- 2 големи парчиња моцарела
- 1 лажичка суво оригано
- малку маслиново масло
- 1 грст рукола и неколку свежи листови босилек
Начин на подготовка:
- Варете ја палентата во загреаното млеко помешано со вода околу 3-5 минути.
- Додајте го пармезанот, измешајте добро и истурете ја смесата во тава за печење, која сте ја обложиле со хартија за печење. Израмнете ја површината со дебелина од 2,5 см и формирајте круг (смесата ќе биде доволна за две пици).
- Попрскајте ја основата од палентата со малку маслиново масло и печете 20 минути во рерна загреана на 220 °С. Потоа извадете ја тавата, премачкајте ја пицата со сосот, додајте ја моцарелата и сувото оригано и печете уште 5 минути додека не се стопи сирењето. Послужете ја пицата со свежи билки и сечкана рукола.
Рецепт за вкусен пица сос:
- 2 конзерви домати (пелати).
- 1 лажичка кромид во гранули
- 1 лажичка лук во гранули
- 1 лажичка суво оригано
- 1 лажичка мед
- 1/2 лажичка сол
- 1 прстофат бибер
Начин на подготовка:
- Сите состојки ставете ги заедно во тенџере на тивок оган.
- Варете го сосот 20 минути. Повремено мешајте и почекајте вишокот течност да испари, а сосот да стане густ.
Уживајте во вкусовите на овој здрав рецепт!
Можеби сакате да дознаете и еден многу едноставен рецепт: Крцкави полжави со зелка.
