Сè што треба да знаете пред да одите на интервју за работа

Сè што треба да знаете пред да одите на интервју за работа

Просечната должина на едно интервју е околу 40 минути. Но, во едно истражување, 33% од 2.000 работодавци изјавиле дека уште во првите 90 секунди знаеле дали ќе го вработат кандидатот. За успешно интервју мора претходно добро да се подготвите. Научете нешто повеќе за организацијата, секогаш имајте специфична работа на ум, прегледајте ги своите квалификации за работата и бидете подготвени накратко да го опишете вашето досегашно искуство. Погледнете ги и останатите резултати од ова истражување кои ќе ви помогнат полесно да стигнете до работата од вашите соништа…

Се што треба да знаете пред да одите на интервју за работа

Најчести невербални грешки кои се прават на интервју за работа се:

  • Играње со косата или допирање на лицето (21%)
  • Немање доволно знаење за компанијата во која се аплицира за работа (47%)
  • Неможност да се воспостави контакт со очите (67%)
  • Недостиг на насмевка (38%)
  • Лошо држење на телото (33%)
  • Прекстување на рацете над градите (21%)
  • Употреба на премногу гестови со рацете (9%)
  • Премногу слабо ракување (26%)
  • Прекумерно нервозно гестикулирање (33%)

Статистиките покажуваат дека кога се запознавате со нови луѓе, големо влијание на впечатокот имаат и:

  • Вашите одговори на поставените прашања (7%)
  • Квалитетот на изразување, како и општата самодоверба (38%)
  • Начинот на кој се облекувате, однесувањето, како и начинот на кој влегувате низ вратата (55%)

Видот и бојата на облеката исто така влијае на првиот впечаток:

  • Голем број од работодавците изјавиле дека премногу светли бои ги намалуваат вашите шанси за вработување
  • Не е потребно облеката да биде по најнова мода (70%)
  • Облеката може да помогне при донесување на одлуката помеѓу два слични кандидати (65%)

Се што треба да знаете пред да одите на интервју за работа

Прашања кои најчесто се поставуваат за време на интерјвуата:

  • Кажете ми нешто повеќе за вашето искуство во…
  • Зошто сакате да работите за нас?
  • Што знаете за нашата компанија?
  • Зошто ја напуштивте претходната работа?
  • Кажете ми нешто повеќе за себе…

Најчестите грешки кои можете да ги направите на интервју:

  • Премногу објаснување за тоа зошто сте ја изгубиле претходната работа.
  • Давање до знаење дека сè уште не сте завршиле со претходната работа.
  • Недостиг на хумор, топлина и личност.
  • Непокажување никаков интерес или ентузијазам.
  • Недоволно истражување за вашиот потенцијален работодавец.
  • Прекумерено концетрирање на она што вие го сакате.
  • Да се обидувате да бидете сè за сите луѓе.
  • Да го „преземете“ интервјуто.
  • Неможноста да се издвоите себеси од останатите кандидати.
  • Да не се обидете да ја побарате работата.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар