Претходно
Рецепти со велигденски јајца: Богата солена торта и превкусна салата
Веројатно ви пукнале неколку јајца за време на фарбањето. Исто така ќе останат и многу од Велигден. Па, погледнете ги овие одлични рецепти со кои ќе можете да ги искористите преостанатите велигденски јајца.
Солена торта со јајца
Потребни состојки
- 1 килограм компири
- 1 лажица путер
- Кисели краставички
- 7 варени јајца
- 400 грама печеница или шунка
- 200 грама сирење
- 150 грама кашкавал
- 3 лажици мајонез
- Сол по вкус
Потребни состојки (за сос)
- 200 милилитри мајонез
- 200 грама кисело млеко
Потребни состојки (за декорација):
- 4 варени јајца
- Малку магдонос
Начин на подготовка:
Сварете ги компирите во солена вода. Исцедете ја водата, додајте путер и направете пире. Краставичките, печеницата сирењето и кашкавалот изрендајте ги, а јајцата исечете ги на тенки парчиња. Во посебен сад измешајте ги мајонезот и киселото млеко.
Кога компирот ќе се излади, од половина смеса направете кора во калап за торта. Добро натапкајте го со прстите за да добиете цврста кора.
Врз компирите наредете сирење и рендана печеница, па премачкајте со третина од сосот од кисело млеко и мајноез. Потоа ставете го останатиот дел од пирето, а врз него ставете кисели краставички, па тенко исечените јајца. Премачкајте и со другата третина од сосот, а озгора ставете изрендани кисели краставички.
Добро притиснете со дланките, покријте ја тортата со фолија и оставете ја во фрижидер преку ноќ. Ставете ја и преостанатата третина од сосот во фрижидер.
Следниот ден извадете ја тортата од калапот, од страните премачкајте ја со останатиот сос, а на крај изрендајте 3 јајца на врвот.
Богата салата со јајца
Потребни состојки:
- 10 варени јајца
- 180 милилитри кисело млеко
- 100 милилитри мајонез
- 3 лажици сенф
- 1 мал праз
- Сол и бибер по вкус
Начин на подготовка
Во голем сад измешајте ги киселото млеко, мајонезот и сенфот. Излупете ги јајцата, исечкајте ја белката, а жолчката изронете ја со прсти.
Измијте го празот и исечкајте го ситно, па заедно со јајцата додајте го во садот. Зачинете со бибер и сол по вкус, промешајте и оставете да се излади во фрижидер.
Пробајте го и овој вкусен рецепт со велигденски јајца.
