Претходно
Рецепт за вкусна француска пита со јагоди
Секој француски регион има своја варијанта на овој вкусен колач, а најпознатиот е Galette de rois, или „кралска пита“. Традиционалниот рецепт вклучува и бадеми, а постојат верзии со бобинки, кајсии, чоколадо и јаболко.
Овој пат ви предлагаме рецепт за кралска пита со рабарбара – растение кое расте во пролет и се смета за еден од најздравите видови зеленчук. Се карактеризира со кисел вкус и може да се комбинира во солени и слатки јадења, како супи, мармалади сосови, а од него може да се направи и вино.
Потребни состојки:
За тесто:
- 200 грама брашно
- 200 грама путер
- две лажици шеќер
- прстофат сол
- ванилин шеќер
- 5 лажици ладна вода
За фил:
- 300 грама свежи јагоди
- 200 грама рабарбара
- 5 лажици шеќер
- 1 ванилин шеќер
- 2 лажици џем од јагоди (по желба)
Начин на подготовка:
1. Замесете го тестото. Измешајте ги брашното, солта, шеќерот и ванилиниот шеќер и додадете го ладниот путер (претходно исечен на коцки). Додадете вода и замесете ја смесата. Завиткајте го тестото во проѕирна фолија и оставете го да отстои половина час во фрижидер.
2. Исчистете ја рабарбарата и исечете ја на парчиња. Можете да ја сварите во вода со мед, но не е неопходно.
3. Во друг сад измешајте ги јагодите, шеќерот, рабарбарата и џемот од јагоди.
4. Расукајте го тестото и ставете го во калап. Тестото треба да биде поголемо од калапот, односно да ги надмине рабовите на калапот за најмалку 3 сантиметри. Распоредете ја смесата со јагоди врз тестото, а потоа свиткајте ги рабовите навнатре. Премачкајте го тестото со жолчка, посипете шеќер и печете половина час на температура од околу 180 степени целзиусови.
Откако го прочитавте нашиот рецепт за вкусна француска пита со јагоди, можеби ќе сакате да го прочитате и рецептот за вкусна чоколадна пита со лешници.
Извор: punkufer.dnevnik.hr
