Претходно
Рецепт за торта од лимон: Се топи во уста!
Ви споделуваме рецепт за освежителен колач со лимон кој може да се подготви за околу четириесет минути. Можете да го послужите со шолја кафе или чај и да го консумирате во кое било време од годината.
Потребни состојки:
Состојки за кора:
- 3 јајца
- 400 грама шеќер
- 330 милилитри полномасно млеко
- 250 милилитри екстра девствено маслиново масло
- 240 грама брашно
- 2 лажици кора од лимон
- 1 лажица свежо исцеден сок од лимон
- 1 лажичка прашок за пециво
- ½ лажичка сода бикарбона
- прстофат сол
Состојки за филот:
- 300 грама крем од лимон
Состојки за глазура:
- 500 грама шеќер во прав
- 225 грама намаз од сирење
- 115 грама путер
- 1 лажичка екстракт од ванила
- 1 лажица свежо исцеден сок од лимон
- ½ лажичка рендана кора од лимон
Начин на подготовка:
1. Загрејте ја рерната на 160 степени целзиусови.
2. Во поголем сад измешајте ги јајцата, полномасното млеко, маслиновото масло, сокот од лимон и кората од лимон. Мешајте со миксер околу две минути додека состојките не се соединат.
3. Во друг сад измешајте брашно, шеќер, прашок за пециво, сода бикарбона и малку сол.
4. Рачно измешајте ги двете смеси на база на јајца и брашно.
5. Поделете ја смесата на два еднакви дела и истурете ја во два кружни калапи за печење. Печете околу 20 до 25 минути, а потоа оставете ги корите да се изладат.
6. За глазурата ќе ви биде потребен миксер: изматете ги намазот од сирење и путерот при што ќе добиете еднолична смеса. Додадете ги шеќерот во прав, сокот од лимон, кората од лимон и екстрактот од лимон и продолжете со мешањето додека состојките не се соединат.
7. Премачкајте ја едната од корите со кремот од лимон, покријте ја со друга кора и намачкајте ја со смесата за глазура. На здравје!
Откако го прочитавте нашиот денешен предлог, можеби ќе сакате и да го прочитате рецептот за колач од лимон и бадем без брашно.
Извор: punkufer.dnevnik.hr
