Рецепт за неодолива пита со грозје

Искористете ја сезоната на грозјето и направете ја оваа вкусна пита.

Рецепт за неодолива пита со грозје

Потребни состојки:

  • 500 грама тенки кори за пита
  • 500 грама црно грозје без семки
  • 100 грама презла
  • 100 грама мелени ореви
  • 1 лажичка цимет
  • 150 грама шеќер
  • 150 милилитри масло
  • шеќер во прав за посипување

Начин на подготовка:

Загрејте ја рерната на 200 °С. Земете 4 кори, попрскајте ги со малку масло и наредете ги една врз друга. Измешајте го грозјето со оревите, презлата, циметот и шеќерот. Ставете од смесата на едниот крај од корите, па завиткајте ги во ролат. Повторете ја постапката сè додека не се потроши целиот материјал. Ставете ги ролатите во плех подмачкан со масло. Потоа, пред печење, премачкајте ги ролатите со малку масло и вода и ставете ги во загреаната рерна. Печете околу 40 минути, додека да заруменат. По печењето, попрскајте ја питата со малку вода, покријте ја со кујнска крпа и оставете ја да се излади. Пред сервирање, исечете ја на парчиња и посипете со шеќер во прав.

Погледнете како да направите слатко од сливи со рум.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар