Прсти да излижете: Бразилски крокети со пилешко и сирење

Прсти да излижете: Бразилски крокети со пилешко и сирење

Бразилските пилешки крокети наречени coxinha се популарна закуска во оваа јужноамериканска земја. Можат да бидат кружни или издолжени, во зависност од вашата желба…

Прсти да излижете: Бразилски крокети со пилешко и сирење

Потребни состојки за 10 лица:

За фил:

  • 400 грама варено пилешко
  • 100 грама свежо сирење
  • 1 лажица маслиново масло
  • 4 чешниња лук
  • 3 лажици сечкан свеж магдонос
  • 1 главица кромид
  • ½ лажичка црвен пипер
  • сол и бибер по вкус

За тесто:

  • 1 лажица путер
  • 400 милилитри полномасно млеко
  • 50 милилитри пилешки супа
  • 400 грама брашно

Дополнителни состојки:

  • јајца
  • презла
  • масло за пржење

Начин на подготовка:

1. Загрејте го маслото во тенџере и пржете ги парчињата лук и кромид додека не поруменат. Додадете го исечканото варено пилешко, сол, бибер и сè добро измешајте.

2. Префрлете го филот во сад , додадете го крем сирењето и магдоносот и убаво измешајте за да добиете хомогена смеса.

3. Во истото тенџере растопете го путерот, додадете ги пилешката супа и млекото и оставете ги да зовријат. Потоа додадете го брашното и мешајте додека не добиете тесто.

4. Тестото префрлете го на рамна површина и оставете малку да се излади.

5. Земете парче тесто со големина на јајце и обликувајте го во форма на топче. Потоа со раце развлечете го во круг, а во средината ставете една лажица фил. Тестото завиткајте го околу филот во облик на круша.

6. Премачкајте ги крокетите со јајце и презла и пржете ги на врело масло додека не поруменат. Послужете со сос по желба. На здравје!

Откако го прочитавте нашиот денешен предлог, можеби ќе сакате да го прочитате и рецептот за руски палачинки со сос од печурки и пилешко месо.

Извор: punkufer.dnevnik.hr


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар