Пролетно изненадување: Цветни чоколадни тортички

Заблажување за време на топлите пролетни температури

Пролетно изненадување: Цветни чоколадни тортички

Потребни состојки:
За тестото:
  • 90 грама несолен путер, омекнат
  • 45 грама шеќер
  • 100 брашно за сите намени
  • 1 лажица какао во прав
За филот:
  • 130 грама чоколадно млеко
  • 125 милилитри шлаг пена
  • 1 лажица пченкарен сируп
За декорација:
  • Шумско овошје
  • Цвеќиња што се јадат
Начин на подготовка:

За тестото: Ставете ги сите состојки во еден голем сад и матете со електричен миксер на ниска брзина сè додека не се формира тесто. Префрлете го во тава претходно обложена со хартија за печење и оставете го во фрижидер на 30-тина минути. Покријте го целосно со хартијата. Загрејте ја рерната на 180 степени. Исечете го тестото на кругови, со околу 5 сантиметри ширина во дијаметар и поставете ги во друга тава претходно обложена со хартија за печење. Печете 8-10 минути.

За филот: Комбинирајте ги сите состојки во мало тенџере и варете на низок оган, постојано мешајќи, сè додека не добиете мазна и хомогена смеса. Префрлете во мал сад, прекријте со капак и оставете го во фрижидер додека не се згусни.

За декорација: Сипете го филот во шприц со кружен отвор и така нанесете го на подготвеното тесто. Наредете го шумското овошје и цвеќињата на начинот што најмногу ви се допаѓа.

Чувајте ги тортичките во фрижидер.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар