Пралини со вкус на кафе

Погледнете го овој рецепт и во текот на викендот направете пралини со вкус на кафе со коишто ќе го израдувате целото семејство.

Пралини со вкус на кафе

Потребни состојки:

  • 250 грама чоколадо
  • 2 лажици масло
  • 1 лист желатин
  • 34 бисквити
  • 150 грама маскарпоне
  • 40 грама шеќер во прав
  • 1 ќесичка ванилин шеќер
  • 100 грама слатка павлака

Начин на подготовка:

На пареа стопете го чоколадото заедно со маслото и потоа премачкајте 25 калапи за пралини и оставете ги да се изладат. Остатокот од стопеното чоколадо оставете го за премачкување на пралините.

Ставете го желатинот во вода за да набабри, а бисквитите искршете ги на мали парчиња, натопете ги во кафето и ставете ги во корпите.

Измешајте го маскарпонето со ванилин шеќер и со шеќер во прав, а павлаката измешајте ја додека да стане шлаг.

На набабрениот желатин додајте му две лажици павлака и загрејте го за да се растопи. Потоа, во смесата додајте ги маскарпонето и шлагот и мешајте.

Корпите со бисквити наполнете ги со крем, ставете ги во фрижидер за да се изладат, а потоа прелијте ги пралините со слој чоколадо. Постојано чувајте ги во фрижидер.

Погледнете го и овој предлог за ручек и направете пилешко со јаболка и кари.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар