Парче лимон за подобар сон

Парче лимон за подобар сон

Лимонот се смета за суперхрана и со векови се користи како домашен лек. Но, дали знаевте дека не мора секогаш да консумирате лимон за да ги почувствувате неговите корисни својства?

Парче лимон за подобар сон

Имено, покрај изобилството од витамини и освежителниот вкус, лимонот се карактеризира и со смирувачко дејство кое може да биде одличен сојузник во борбата против несоница.

На сите нам ни е добро познато смирувачкото дејство на лавандата. Дури и Парацелзиус, познатиот средновековен лекар и научник, ја опишал лавандата како „ментален мелем“ и ја користел како универзален лек за менталната исцрпеност. Затоа, не е чудно што етеричното масло од лаванда се препорачува за подобар сон.

Сепак, можете да користите лимон доколку сте алергични на лаванда. Научно е докажано дека мирисот на лимонот е смирувачки и како таков може да ви помогне полесно да заспиете.

Според експертите, есенцијалното масло од лимон се користи со векови и се карактеризира со смирувачки ефекти врз респираторниот систем. Покрај тоа, може да ја зголеми концентрацијата и да го намали нивото на стрес.

Затоа, сè што треба да направите доколку имате проблем со спиење е да исечете лимон и да го оставите на вашата ноќна масичка. Неговиот нежен мирис ќе ве смири и ќе ви помогне да заспиете.

Откако прочитавте за смирувачките дејства на лимонот, можеби ќе сакате да ги прочитате и 9-те примени на лимонот во третманите за здравје и убавина.

Извор: citymagazine.danas.rs


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар