Необични, но ефикасни совети за нега и убавина

Необични, но ефикасни совети за нега и убавина

И навистина постојат многубројни совети. Токму затоа денес ви издвоивме неколку совети кои се необични и изненадувачки, но доста ефикасни.

1-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

1. Пиво

Доколку вие лично не сакате да го консумирате, вашата коса со сигурност ќе ја сака оваа напивка која е одлична за нејзиниот изглед и сјај, односно за нејзиното здравје. После миењето, на вашата коса нанесете пиво кое е разблажено со иста количина вода, а поради витамините и минералите што ги содржи, вашата коса ќе биде посилна и поиздржлива. Освен тоа, пивото можете да го искористите и како основа за бројни природни маски за коса.

2-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

2. Бебешка пудра

Бебешката пудра не е наменете само за бебињата, бидејќи некои ја користат за сушење на акните и митесерите, за себумот на лицето да биде помалку видлив, односно за лицето помалку да сјае.

3-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

Исто така, можете да ја користите и за ефект на подолги трепки. Нанесете еден слој маскара, потоа на трепките со некоја стара четка или стапче за уши ставете бебешка пудра, па врз неа додајте уште еден слој маскара и ќе имате навистина изненадувачки ефект.

4-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

3. Коректор

Коректорот не е тука за само да ги прекриете црвенилото и неправилностите со него, туку и за да ги зголемите усните, односно да постигнете таков ефект. На усните и надвор од нивните рабови нанесете коректор, за да се „избришат“ природните црти, а потоа со молив за усни исцртајте друга линија и ќе добиете доста полн и природен изглед откако ќе нанесете кармин.

5-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

4. Црвен кармин

Постои толку многу жар и страст во овој мејкап производ, се согласувате? Меѓутоа, црвениот кармин не служи само за усните, туку со негова помош можете да ги прекриете уморните и темни кругови околу очите. Нанесете црвен кармин наместо коректор, обидете се да го размачкате, а потоа врз него нанесете пудра и сите останати производи што ги користите. Ќе се изненадите од целосно прекриените подочници.

6-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

5. Дрвени боички

Летото е време кога сите ние сакаме да внесеме некои поведри и посилни бои во нашето секојдневие, а тоа најдобро можеме да го постигнеме со помош на шминката. Кога ќе посакате малку боја на вашите капаци, а не можете да пронајдете соодветни производи во вашиот несесер, послужете се со дрвени боички. Иако можеби ви делува невозможно, доволно е да ги ставите неколку минути во чаша со топла вода, а потоа откако ќе ги извадите ќе можете да ги користите како ајлајнер.

7-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

6. Балсам за усни

Добро негувани и хидрирани усни се задолжителни, без разлика на тоа кое годишно време е во тек. За тоа најмногу помага балсамот за усни. Но, освен својата првенствена намена, балсамот за усни можете да го искористите и како хајлајтер доколку немате или не ви е при рака.

8-dali-ste-slushnale-za-niv-neobichni-i-efikasni-soveti-za-nega-i-ubavina-www.kafepauza.mk_

За уште неколку корисни и ефективни совети, погледнете ги овие 18 бјути трикови кои задолжително ви требаат во вашата рутина.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар