Необични места на кои можете да нанесете дезодоранс

Необични места на кои можете да нанесете дезодоранс

За што најчесто го користите дезодорансот? Најверојатно само за едно или две места за да го спречите потењето и непријатните мириси, поточно за она за што е наменет. Меѓутоа, некои бјути блогерки и личности кои сакаат да експериментираат, ги испитуваат овие производи и пронаоѓаат нова намена за нив. Можеби за некои веќе имате чуено, а другите сигурно ќе ве изненадат, но во секој случај дезодорансот можете да го нанесувате и на овие места.

1-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

1. Лице

Звучи чудно, но всушност овој трик успева. Заради својата специфична структура, но и останатите состојки кои ги содржи, дезодорансот можете да го нанесете на кожата на лицето за да ја матирате. Ова е одлично решение во текот на летните денови, особено за Т зоната која најмногу „сјае“ од лачењето маснотии.

2-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

2. Пети

Како и секогаш, кога купувате нови сандали или високи потпетици, но и рамни обувки, се случува да ви создаваат плускавици кои изгледаат доста лошо и ужасно болат. Затоа пред носењето, нанесете рол-он дезодоранс на пределот на петите и во внатрешноста на обувките, со што ќе создадете своевиден слој на лубрикант кој ќе го спречи триењето и создавањето несакани последици.

3-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

3. Коса

Пред сѐ, треба да имате дезодоранс со „невидлива“ формула, а не со бела, за да не остане видлива трага подоцна. Кога ќе го нанесете на оваа линија, односно на границата помеѓу кожата на челото и остатокот од косата, го спречувате потењето кое е доста зачестено кога ќе дојдат топлите денови. Со овој трик ќе го избегнете „мокрото лице“, но и извитканите влакненца околу челото.

4-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

4. Бикини зона

Пределот на кожата кој го третирате со бричење или депилирање знае да покаже исипување и да се појават ситни, црвени точки, посебно на делот каде што костимот за капење завршува. Слободно поминете го тој дел со дезодоранс, па тој ќе го спречи нивното создавање и ќе имате кожа која ќе изгледа чисто и совршено. Ова важи и за внатрешната страна од колковите, кои честопати во текот на летото заради триењето може да бидат исипани.

5=vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

5. Дланки

Често се случува заради нервоза, во текот на некоја напната ситуација или едноставно заради жештината, нашите дланки да се потат. Слободно нанесете и малку протријте ги рацете со дезодоранс, кој нема да биде леплив кога ќе се исуши и ќе успеете да ја спречите оваа појава која знае да нервира и да создава несигурност.

6-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

6. Гради

Во текот не летото честопати се случува да се испотите под градите, па доколку немате прилика да се истуширате, тогаш може да се создаде и црвенило, непријатно чешање, а уште понезгодно е кога сето тоа ќе се забележи во некоја тесна блуза што сте ја облекле. Затоа пред сѐ, нанесете дезодоранс под градите, почекајте да се исуши и овој проблем ќе биде решен, бидејќи е спречено нешто воопшто да се појави.

7-vi-otkrivame-nekolku-neobichni-mesta-na-koi-mozhete-da-nanesete-dezodorans-www,kafepauza,mk_

А, кога сме веќе овде, тогаш ве запрашуваме дали знаете кој е вистинскиот начин за нанесување дезодоранс.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар