Момче чија девојка страда од анксиозност споделило како се справува со нејзината болест

Датум: 13 дек 2018

Тагови: анксиозност, панични напад, справување

ВКУПНО:35
Share31
Send2
Tweet0
Pin0
Love2

Постојат многу митови и недоразбирања кога станува збор за менталното здравје. Освен ако не сте ја проучувале оваа тема или знаете некој што страда од ментално нарушување, навистина е тешко да ги препознаете или да ги разберете луѓето кои се справуваат со ова. Неодамна, едно момче решило да сподели што научило за справувањето со паничните напади и анксиозноста, бидејќи неговата девојка се соочувала и со двете.

Момче чија девојка страда од анксиозност споделило како се справува со нејзината болест

Анксиозноста е една од најчестите ментални нарушувања. Иако е лесна за лекување, само 36,9% од заболените го добиваат потребниот третман. Луѓето кои се справуваат со анксиозност и депресија, или познаваат некој таков, сè почесто ги споделуваат нивните искуства со цел да ги образуваат другите. Погледнете што научило ова момче и што сака да знаете.

Еве што научив за паничните напади:

1. Не се обидувајте секогаш да прегрнете. Потребно беше време за девојка ми да посака прегратка за да се смири. Прегратките правеа да се чувствува како да е заробена.

2. Само затоа што не ви одговара, не значи дека личноста ве игнорира. Понекогаш едноставно не може да зборува. Нападите можат да произлезат од расправија и многу често сум мислел дека добивам „третман со молчење“. Трикот што го научив е: Ако сакаш да зборуваш со мене, но не можеш, мрдни со прстот.

3. Дишете гласно. Можеби сте забележале дека кога се прегрнувате со некого вашето дишење се синхронизира. Или кога ќе слушнете дека некој вдишува длабоко и вие го правите тоа. Па ако личноста дише плитко и во паника, почнете да дишете бавно и гласно за да се синхронизира со вас.

4. Бавните движења со рацете за да го синхронизирате дишењето помагаат. Можете да ја допрете личноста на раката или на грбот.

5. Можете да ѝ кажете на личноста да престане или да се смири. Но, направете го тоа на вистинскиот начин. Ако порано го забележите нападот можете да кажете „Во ред е, смири се“. Но вметнете ги и смирувачките движења со рацете.

6. Понекогаш личноста едноставно ќе се сруши на подот. Тогаш седнете или легнете до неа. Потсетете ја дека не е сама.

7. Немојте да ѝ се лутите на личноста. Паничните напади можат да се случат и од најглупави причини. Еднаш девојка ми толку многу се изнасмеа на нејзината шега што доби паничен напад. Паничните напади можат да се случат и сред расправа. Во тој случај повеќе не се расправате и никој не победува. Само помогнете ѝ!

Подоцна корисникот допишал уште нешто, бидејќи секој има разни стратегии на смирување.

Дополнување:

Да разјаснам неколку нешта за коишто коментираа другите.

Во врска со прегратката, некои луѓе можеби сакаат да бидат прегрнати, само внимавајте со притисокот и гледајте да им биде удобно.

Во врска со смирувањето, неколку луѓе кажаа дека мразат кога ќе им кажат да се смират. Сакав да кажам дека не треба премногу да се грижите за зборовите, туку начинот на којшто ги кажувате.

Секоја личност е уникатна и она што работи за мене можеби нема да работи за вас. Се надевав дека луѓето ќе си ги споделат нивните искуства. Бев излезен со другарите и многу од нив кажуваа за нивните девојки кои имаат панични напади, или пак самите се соочувале со нив, па решив да го споделам моето искуство.

Дознајте и која е разликата помеѓу анксиозноста и паничниот напад.