Маникир кој ќе биде тренд за оваа есен

Секоја жена и девојка која сака да изгледа убаво, знае дека ноктите се неизбежен детаљ кој ќе го надополни секој изглед. Стилизираните нокти се симбол за женственост и софистицираност. Затоа не е чудно што понекогаш дамите се препознатливи по тоа како изгледаат нивните раце. Можеби шминката и фризурата се оние кои го одредуваат вашиот стил, но обликот, должината и изборот на маникирот се неизоставен аксесоар и украс на една дама. За оваа есен во тренд се темните и металик нијанси, но и по малку екстравагантните и живи бои. Погледнете кои се задолжителни трендови за оваа есен кога се во прашање ноктите.

1-manikir-koj-kje-bide-trend-za-ovaa-esen-www.kafepauza.mk_

1. Аквариумски нокти

Овој маникир ги полуде девојките ширум светот, а ноктите изгледаат како нешто да плива во нив. Акрилните вештачки нокти се дупчат, а потоа се полнат со масло и светки, за секој нокт да изгледа како мал аквариум. Овој маникир е забавен, креативен и имагинативен. Забележан е на сите модни недели, па многу е јасно дека овој тренд ќе биде секојдневие на улиците оваа есен.

2-manikir-koj-kje-bide-trend-za-ovaa-esen-www.kafepauza.mk_

2. Маникир со водени бои

Пастелните бои се дефинитивно заштитен знак на пролетта, но без сомнение ќе бидат популарни и оваа есен, а ќе ги носиме на сè – на облеката, модните детали, обувките, но и на ноктите! Ако темниот маникир не ви се допаѓа и ви изгледа монотоно, тогаш дефинитивно ќе ги обожавате овие живи и силни бои. Како опција можете да изберете темен гел, а врвовите да ги ишарате со светли бои како розова, жолта, црвена и сина.

3-manikir-koj-kje-bide-trend-za-ovaa-esen-www.kafepauza.mk_

3. Пруги

За оние девојки кои сакаат поедноставни варијанти кои секако привлекуваат внимание, но не се премногу нападни, тогаш одличен избор се пругите.

4-manikir-koj-kje-bide-trend-za-ovaa-esen-www.kafepauza.mk_

4. Металик омбре

Без разлика дали сакате сјајни, темни, златни или сребрени нијанси, овој футуристички маникир ќе биде голем тренд за оваа есен.

5-manikir-koj-kje-bide-trend-za-ovaa-esen-www.kafepauza.mk_

5. Крем нијанса

За оние дами кои сакаат едноставност, природен изглед на ноктите и елегантност, добрата вест е дека и оваа есен едноставниот маникир повторно ќе биде во мода. Ако сакате ноктите да изгледаат повпечатливо секогаш можете да додадете некој циркон или сликичка.

6-manikir-koj-kje-bide-trend-za-ovaa-esen-www.kafepauza.mk_

6. Тиквата како инспирација

Сите нијанси на портокаловата дефинитивно ги заменија црвените нијанси, па и оваа есен ќе доминираат баш таквите тонови. Овој маникир инспириран од тиквите е одличен за „Ноќта на вештерките“, која пополека се приближува.

7-manikir-koj-kje-bide-trend-za-ovaa-esen-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар