Претходно
Комбинација од мед и лимон: Го зајакнува имунитетот и го подобрува варењето
Датум: 05 јун 2015
Коментари: 0
На сите ни е познато дека медот и лимонот можат да имаат голем ефект врз нашето здравје, а кога се во комбинација, нивното лековито дејство значително се зголемува.
Лимонот и медот содржат антиоксиданси, имаат антибактериски својства и го зајакнуваат имунитетот. Ако ги внесувате заедно, тогаш го храните организмот со богати и драгоцени состојки.
Еве каква моќ има оваа комбинација на мед и лимон.
1. Лечи бронхитис, кашлица и астма
Измешајте 2 лажички сок од лимон и 1 лажица мед и промешајте ги во чаша со вода. Пијте го овој пијалак неколку пати на ден доколку имате проблеми со белите дробови, грлото и запушен нос.
2. Ги елиминира акните
Антибактериските својства на лимонот и медот можат да ви помогнат околу проблемите со акните. Покрај тоа, оваа комбинација содржи и антивоспалителни својства кои ја смируваат воспалената кожа. Направете маска од мед и лимон, нанесете ја на кожата, а потоа измијте ја и ќе добиете сјаен тен.
3. Ублажува болни симптоми на убоди од инсекти
Лимонот и медот заедно имаат антисептичко дејство, па тоа ќе ви помогне доколку сте каснати од инсект. Ги ублажува отоците, воспаленијата и спречува инфекција.
4. Помага при слабеењето
Лимонот е нискокалоричен, а медот дава енергија. Нивната комбинација го намалува собирањето на мастите во организмот, а шеќерот од лековитото овошје брзо се вари. Ако сакате да го намалите обемот на струкот, додајте 3 лажички лимонов сок и 1 лажичка мед во чаша полна со млака вода. Ваквиот пијалак пијте го во утринските часови и ќе ви го забрза метаболизмот.
5. Помага со грипот
Кога имунитетот ви е ослабен, подложни сте на настинка и грип. Поради тоа важно е да внесувате поголема доза витамин Ц со цел да го спречите тоа. Сварете литар вода, потоа додајте една лажичка рендан ѓумбир, 3 лажици мед и 3 лажици лимонов сок. Процедете и пијте го овој пијалак 2 до 3 пати на ден.
6. Го решава проблемот со варењето во организмот
Во чаша полна со млака вода, ставете 2 лажички лимонов сок и 1 лажичка мед. На овој начин ќе се ослободите од тегобите при варењето. Свежиот лимонов сок го чисти организмот, ја балансира pH вредноста и дава многу корисни материи, како витамините Б и Ц и рибофлавин.
7. Ја негува кожата
Ослободете се од трагите на стареењето на кожата со комбинацијата од мед и лимон. Брчките и другите знаци на стареење можете да ги отстраните користејќи маска од мед и лимонов сок.
