Како до совршена фризура со марама?

Како до совршена фризура со марама?

Марамите за коса се одличен летен аксесоар па не ги заборавајте оваа сезона. Може да ги носите на плажа, на кафе или на вечерни журки. Погледнете го овој туторијал со слики за да направите супер фризура со марама за коса. Пожелно е да одберете марама со тенка жица која го задржува обликот и стои поцврсто за разлика од обичните марами.

5-kako-do-sovrshena-frizura-so-marama-www.kafepauza.mk_

Потребно:
  • Лак за коса
  • Пегла за коса
  • Чешел за тапирање
  • Гел-спреј за зацврстување
  • Марама за коса

Најпрво испрскајте ја косата со лак за коса од коренот до врвовите. За да направите совршени брановидни локни разделете ја косата на двете страни со неправилен патец и врзете го едниот дел горе на главата. Со другиот дел од косата направете плетенка и со помош на пегла за коса поминете по плетенката создавајќи мал притисок (како што е прикажано на сликата). Повторете го истото со другиот дел од косата.

Како до совршена фризура со марама?

Отпуштете ги плетенките внимателно разделувајќи ги со прсти прамените од косата за да не ги уништите локните. Истапирајте го горниот дел од косата за да добиете волумен, почнувајќи од врвот кон коренот.

Како до совршена фризура со марама?

Одберете цврст гел-спреј за зацврстување на локните и испрскајте.

Како до совршена фризура со марама?

За совршено да ја врзете марамата поставете ја со двата краеви напред околу вратот точно под брадата. Фатете ги двата краеви и кренете ги до врвот на главата, потоа врзете ги во панделка. Донесете дел од локните пред марамата околу лицето за да го завршите овој романтичен изглед.

5-kako-do-sovrshena-frizura-so-marama-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар