Претходно
Како да се справите со отеченоста на лицето?
Отеченото лице е еден од најголемите козметички проблеми на жените ширум светот. За жал, не постои начин целосно да се спречи отеченоста на лицето, но постојат начини за намалување на нејзината појава. Прочитајте ги овие совети што ќе ви помогнат да ја намалите отеченоста на лицето.
1. Спијте со дополнителна перница под главата
Дополнителната перница помага во борбата против гравитацијата и е еден од најлесните начини за спречување отоци бидејќи ја намалува количината течност што се задржува во лицето.
2. Измијте се со ладна вода
Не постои ништо подобро од ладна вода за разбудување на лицето и за забрзување на циркулацијата на крвта. Ладната температура е брз начин за затегнување на порите и за вазоконстрикција на вените, а тоа значи истиснување на насобраната течност од лицето, што дополнително помага во намалување на отокот.
3. Ролери за лице
Некои заговорници на ролерите за лице тврдат дека движењето камен (најчесто жад) на вашето лице може да ја урамнотежи вашата аура, да ги прочисти токсините и да го поттикне производството на колаген.
Науката не може да го потврди ова, но сигурно е дека ролерите му прават лимфна масажа на вратот.
Ако претходно ги изладите ролерите во фрижидер и потоа го измасирате лицето, ќе го елиминирате отокот, а во комбинација со жад можете дополнително да го намалите воспалението.
4. Третман со зелен чај и компир
Сварете го зелениот чај и ставете го во фрижидер да се излади, а потоа исечкајте го компирот на неколку парчиња и потопете го во ладниот чај. Натопените компири ставете ги на очните капаци.
Ладната температура и кофеинот од чајот брзо ќе ја намалат отеченоста на очите, особено затоа што станува збор за комбинација на антиоксиданти и скроб.
Погледнете како едноставно и брзо да ги покриете седите влакна доколку немате време за бојадисување на косата.
