Претходно
Како да ја вратите свежината на стариот леб?
Експериментирањето со храната понекогаш ни открива трикови со кои може да заштедиме време и пари, но и да го одбегнеме претераното фрлање на храната. Тука спаѓа и непотребното фрлање на стариот леб.
Веројатно често сте принудени да го фрлите стариот леб кој со денови стои во кујната. Благодарејќи на овој мал трик, повеќе нема да мора да го правите тоа.
Сѐ што треба да направите е да го намокрите лебот со вода. Внимавајте мекиот дел од лебот да не биде премокар. Доволно е да ставите вода само на тврдиот дел.
Следниот чекор е печење на лебот на температура од 150 до 160 степени целзиусови. Печете го лебот од 6 до 12 минути, во зависност од тоа колку вода сте употребиле. Тоа е сѐ!
Трикот функционира бидејќи водата се претвора во пареа за време на печењето. Притоа, лебот повторно станува мек.
За да заштедите при готвењето, погледнете како да си направите сами масло за пржење.
