Претходно
Како да го подобрите здравјето на вашите очи?
На кој начин можете да го подобрите здравјето на вашите очи? Прочитајте ги во продолжение нашите совети.
1. Редовен преглед
Дури и ако немате специфичен проблем препорачливо е да правите редовен очен преглед. Доколку сте на возраст од 18 до 64 години, а немате никаков проблем, се препорачува да отидете на преглед барем еднаш на секои две години и еднаш годишно доколку имате проблем со видот. Оние, пак, кои се постари од 64 години треба да направат очен преглед барем еднаш годишно.
2. Здрава исхрана
Одредени хранливи материи и растителни состојки се клучни за одржувањето на видот:
Витамин А
Витаминот А ја поддржува функцијата на рожницата и конјуктивата. Слатки компири, тиква, моркови, црвени пиперки и манго се добри извори на витамин А.
Омега-3 масни киселини
Омега-3 масните киселини се корисни за целокупното здравје на мрежницата и визуелната острина. Лососот, скушата, харингата, сардините како и јаткастите плодови се богати со овие масни киселини.
Витамин Ц
Со оглед на тоа дека очите користат многу енергија, потребна им е дополнителна антиоксидантна заштита. Витаминот Ц не само што е силен антиоксиданс туку помага и во регенерација на други антиоксиданси како витаминот Е. Цитрусното овошје, јагодите и пиперките се исклучително богати со овој витамин.
Витамин Е
Витаминот Е е антиоксиданс кој го штити окото од оксидативен стрес. Освен тоа, го подобрува протокот на крв во окото. Најдобрите извори на витамин Е се семките од сончоглед, бадемите, кикириките, тиквата и спанаќот.
Цинк
Цинкот помага во производството на меланин – пигмент кој ја дава бојата на ирисот и помага во заштитата на видот. Остригите и црвеното месо се најдобри извори на цинк.
3. Редовно вежбање
Вежбањето не само што ве одржува во топ форма туку може да го подобри и здравјето на вашите очи. Освен тоа, физичките вежби го подобруваат протокот на крв преку кој очите се снабдуваат со потребната количина на кислород и хранливи материи.
4. Правило 20-6-20
Правилото вели дека по секои 20 минути поминати пред екран треба да го фокусирате погледот на предмет оддалечен околу 6 метри од вас во времетраење од 20 секунди.
Откако ги прочитавте нашите совети за очното здравје, можеби ќе сакате да ги прочитате и 12-те работи кои вашите очи ви ги кажуваат за здравјето.
Извор: mindbodygreen.com
