Претходно
Хранете се здраво и вкусно: 7 летни рецепти за смудиња
Кога ќе помислиме на здрав живот и здрава храна, секогаш, барем за момент, помислуваме на смуди. Не е возможно да не сакате смуди! Овој пијалак убаво изгледа, додека истовремено е и многу вкусен бидејќи во неговиот состав постојано се наоѓа по некоја банана за освежување. Освен тоа, смудито е одличен начин да го воведете во вашата исхрана сето она што можеби инаку не го јадете, а станува збор за помалку омилените видови на овошја и зеленчуци. Па, доколку сте спремни за смуди предизвик, тогаш ви нудиме 7 рецепти за вкусни пијалаци кои можат да заменат еден оброк во денот и на тој начин да бидете еден чекор поблиску до здравиот живот и витката линија. За подготовка на секое од овие рецепти, потребно е само да ги ставите сите состојки во блендер и добро да измешате. Пријатен апетит!
1. Смуди од моркови
- 2 средни моркови, излупени и исечкани
- Половина смрзната банана
- 460 грама спанаќ
- 230 милилитри незасладено млеко од соја
- 20 грама суво грозје
- 1/2 лажичка цимет
- Прстофат мелени ореви
- Прстофат мелено каранфилче
- 3 коцки мраз
2. Смуди од кељ и ананаса
- 460 грама кељ
- 230 грама замрзнати боровинки
- 115 грама замрзнат ананас
- 100 грама грчки јогурт или јогурт од соја
- 1/4 авокадо
- 230 милилитри вода
3. Смуди од брокула и јагода
- 1 смрзната банана
- 6 јагоди
- 4 свежи цветови од брокула
- 200 грама грчки јогурт или јогурт од соја
- 1/2 лажичка путер од кикирики
- 350 грама ладна вода
- 3 коцки мраз
4. Смуди од компир
- 1 варен и излупен компир
- 1/2 смрзната банана
- 375 милилитри незасладено бадемово млеко
- 7 ореви
- 100 грама тофу сирење
- 1/8 лажичка цимет
- 3 коцки мраз
5. Смуди од краставица и лубеница
- 175 грама исечкана лубеница
- 90 грама јагоди
- 1 краставица
- 2 лажички индиско оревче
- 300 милилитри ладна вода
- 4 коцки мраз
6. Смуди од спанаќ и јагоди
- 350 грама спанаќ
- 1 смрзната банана
- 90 грама јагоди
- 20 грама тофу сирење
- 1/2 лажичка путер од кикирики
- 250 милилитри незасладено млеко од соја
- 300 милилитри ладна вода
- 3 коцки мраз
7. Смуди од киви
- 350 грама кељ или спанаќ
- 175 грама смрзнати боровинки
- 1 излупено киви
- 20 грама ореви
- 1 лажичка лен
- 250 милилитри ладна вода
- 3 коцки мраз
