Грешки во шминкањето кои ги прават жените со зелени очи

Иако на прв поглед се чини дека со зелените очи може да искомбинирате баш сѐ, тоа сепак не е вистина. Всушност, поголемиот дел од жените со зелени очи ја прават истата грешка при шминкањето и користат топли темно зелени сенки, и мислат дека со тоа ќе се нагласи нивната боја на очи и ќе изгледаат природно. За жал, ефектот кој се постигнува е уморен и ненаспан изглед, токму поради оваа грешка.

Грешки во шминкањето кои ги прават жените со зелени очи

Доколку имате зелени или светло кафени очи, тогаш нешто што секако би требале да го имате во вашата колекција на шминки е палета од сенки за очи со поладни бои. Како на пример, темно сини, сиви, запрашена розова и виолетова. Поради контрастот со зелената боја, вашите очи ќе се нагласат. Овие бои ќе им дадат заводлива нота на вашите очи, а покрај тоа ќе изгледате и свежо и одморено.

Ако поседувате палета со топли нијанси и не сте подготвени да престанете да ја користите, тогаш имаме решение и за тоа. Можете да ја сочувате и да ги користите боите само на надворешниот дел од очниот капак, а останатиот дел од капакот да го исполните со светкава боја на шампањ. Со тоа ќе ги отворите очите и ќе имате посебен сјај.

Доколку сакате комбинација за секојдневен изглед, пробајте неутрални бои кои имаат син или сив подтон. Така ќе ви се истакнат очите, а ќе изгледате природно освежени, како да не ви е потребна шминка дури и во деновите кога сте ненаспиени. Убавината ја имате во себе, треба само да знаете неколку трикови како да ја нагласите и да бидете горди со неа.

Прочитајте и за овие дополнителни одлични трикови за шминкање што ќе ѝ се најдат на секоја девојка.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Спиела во пустина, летала со параглајдер и видела 71-метарска статуа од Буда исклесана во планина. Со дигитално новинарство се занимава од факултетските денови.

Поврзани содржини

Остави коментар