Гаспачо – летна доматна супа

Студено, вкусно, освежително и хранливо летно задоволство од шпанската кујна…Гаспачо – летна доматна супаПотребни состојки:

  • 4 големи свежи домати (секој да тежи од 250 до 270 грама)
  • 1 голема пиперка
  • 1 голема краставица
  • 4 чешниња лук
  • 2 кафени лажици вински оцет
  • 4 супени лажици маслиново масло
  • Сол, свежо мелен црн пипер и босилек

Начин на подготовка:

Излупете ја краставицата и исечете ја на мали парчиња коцки. Потоа отстранете ги семките од пиперката и неа ситно исецкајте ја. Доматите најпрво засечете ги малку на врвот во облик на крст и полејте ги со топла вода. Оставете ги така да постојат од 2 до 3 минути, па сменете ја водата со млака. По една минута ќе можете лесно да ја отстраните нивната лушпа. Откако ќе ги излупите, исечете ги на парчиња и заедно со останатиот зеленчук ставете ги во блендер. Додадете ги лукот, маслиновото масло, солта, црниот пипер и оцетот и вклучете го блендерот на ниски вртежи. Блендирајте сè додека не добиете хомогена смеса. Вака приготвената супа ставете ја во фрижидер и оставете ја околу 30 минути да се излади. Сервирајте со малку маслиново масло и босилек.

Добар апетит!


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Минималист ;)

Поврзани содржини

Остави коментар