Претходно
Египетски рецепт за младешки сјај на кожата
Експертите за нега на убавината на кожата тврдат дека токму Клеопатра го смислила овој рецепт за хидрирање на кожата, кој ѝ дава младешки сјај. Откако ќе го подготвите, препаратот можете да го чувате во фрижидер недела дена, а неговата предност е што не мора да лежите откако ќе го нанесете на вашето лице, како што е случајот со повеќето маски. Оваа течна маска ќе го негува вашето лице и ќе ја подмлади вашата кожа.
Потребни состојки:
- Прочистена вода, најдобро таа да е флаширана, од термални извори
- Сок од алое вера
- Мед
Начин на подготовка и употреба:
Во еден сад сипете една чаша вода и додајте 2 лажички свеж сок од алое вера во комбинација со една лажичка мед. Добро измешајте ги состојките, а потоа затворете го садот и оставете го на ладно 12-тина часа.
Овој третман можете да го користите наутро или навечер. Натопете од течноста на памукче, нанесете на лицето, почекајте малку да се исуши и потоа повторете ја постапката. Третманот трае од 5 до 10 минути.
