Домашни кроасани со Нутела за кои ви се потребни само 2 состојки

Совршен и брз десерт за љубителите на Нутела

Домашни кроасани со Нутела за кои ви се потребни само 2 состојки

Потребни состојки:
  • 1 пакување лиснато тесто од 500 грама
  • 200 грама Нутела
Начин на подготовка:

Оставете го лиснатото тесто целосно да се одмрзне, а потоа растегнете го колку што е можно повеќе во облик на коцка и исецкајте го на еднакви делови. Во средината од лиснатото тесто додадете една мала лажичка Нутела и потоа во форма на ролна, затворете го тестото околу кремот. Продолжите да го правите тоа сè додека не ви се потроши тестото.

Подготвените кроасани сместете ги во претходно згреана рерна на 200 степени и оставете ги да се печат околу 15 минути, односно додека тестото не добие златна боја. Добар апетит!

Бонус совет:

Лиснатото тесто можете да го исечете во каков било облик, со цел да добиете различни форми. Исто така во лиснатото тесто можете да ставите и друг вид крем. Доколку сакате да добиете пожолта боја на кроасаните, на половина време од печењето премачкајте ги со жолчка од јајце и малку вода. Кроасаните се служат топли, а по ваш избор можете да ги декорирате и со чоколадни трошки.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар