Дневна рутина за нега на права коса

Негата на косата на дневна основа е исклучително важна за нејзиното здравје, убавина и бујност да бидат на задоволително ниво. Исто како вашата кожа, и косата бара доследност. Ако следите добра рутина што одговара на вашиот вид коса и на нејзините потреби, ќе ги одржувате косата и скалпот здрави. Спротивно на верувањето на многу луѓе, рамната коса е тешка за одржување. Многу често е склона кон кршење, заплеткување и паѓање, особено ако е долга.

Дневна рутина за нега на права коса

Главната предност на правата коса е тоа што природните масла од скалпот се движат рамномерно по должината на косата, обезбедувајќи ѝ заштита. Сепак, поради тоа, честопати може да изгледа мрсно. Токму тогаш треба да почнете да дејствувате вие бидејќи со соодветна грижа и стилизирање, можете да ја направите вашата права коса да изгледа привлечно.

Како да ја миете?

Важно е да ја миете правата коса со шампони кои не содржат сулфати. Миењето со шампон се препорачува до двапати неделно, така што природните масла нема непотребно да се отстрануваат од косата и со тоа таа да се суши.

Како да се грижите за косата?

Грижата за права коса вклучува употреба на регенератор со кокосово и арганово масло кои ја хидрираат и ја хранат косата по целата должина. Не е препорачливо да се нанесува регенератор на скалпот бидејќи тоа ќе придонесе за мрсен изглед на косата. Должината што треба да ја следите е околу десет сантиметри од скалпот сè до краевите на косата.

Како да ја стилизирате?

Користете пена за коса за да ѝ дадете волумен на вашата коса. Пената ќе го спречи паѓањето на косата и нема да изгледа премногу безживотно. Пената треба да се нанесува на влажна коса и да се исуши природно. Во зима, можете да користите фен за коса со опција за ладење, комбинирајќи топол и ладен воздух за да ја оштетите минимално.

Премногу мазната и права коса е несоодветна за правење плетенки бидејќи тие можат лесно да се расплетат. За да се справите со ваквите проблеми, користете спреј за коса за да ѝ додадете текстура на вашата коса.

Погледнете кои бои на коса ќе бидат во тренд во 2021 година.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар