Декорирајте ја трпезата за новогодишната прослава со оваа прекрасна торта

Декорирајте ја трпезата за новогодишната прослава со оваа прекрасна торта

Никој нема да може да ѝ одолее!

(1) Декорирајте ја трпезата за новогодишната прослава со оваа прекрасна торта

Потребни состојки:
За тестото:
  • 165 грама сливи
  • 125 грама свежо грозје
  • 125 грама суво грозје
  • 90 грама путер
  • 90 грама кафеав шеќер
  • 90 милилитри Бејлис (или сличен пијалак)
  • 20 грама силно кафе
  • 1 портокал, исцеден (зачувајте ја кората)
  • 1/2 кафена лажичка цимет
  • 1/2 кафена лажичка морско оревче, свежо рендано
  • 1 супена лажица какао во прав
  • 2 мали јајца, лесно изматени
  • 75 грама брашно
  • 40 грама бадеми, смелени
  • 1/4 кафена лажичка прашок за печиво
  • 1/4 кафена лажичка сода бикарбона
  • 1/4 кафена лажичка морска сол
За кремот:
  • 100 грама маскарпоне
  • 100 грама шлаг пена
  • 20 грама шеќер
  • 30 милилитри Бејлис
  • 1/2 кафена лажичка морско оревче, свежо рендано

За декоративните колачиња, преземете го овој рецепт. Исто така ќе ви биде потребен рузмарин и шумско овошје за да го добиете истиот краен изглед на тортата.

(2) Декорирајте ја трпезата за новогодишната прослава со оваа прекрасна торта

Начин на подготовка:
За тестото:

Ставете ги сливите, свежото и сувото грозје, путерот, шеќерот, медот, пијалакот Бејлис, кафето сокот од портокал (заедно со изрендана кора), циметот, морското оревче и какаото во сад со средна големина. Ставете го садот на среден оган и мешајте, а потоа на силен оган оставете го да зоврие. Откако ќе зоврие, намалете и оставете го уште 10-тина минути на топло. Потоа тргнете го настрана и оставете го 30-тина минути да се олади.

Во меѓувреме, поставете хартија за печење врз друг сад и загрејте ја рерната на 150 степени. Откако овошната мешавина ќе се олади, изматете ги јајцата и додајте ги заедно со останативе суви состојки. Сипете сè во садот за печење и печете 35-40 минути, односно додека врвот не биде цврст, но сè уште сјаен. Дозволете да се олади целосно пред да го тргнете од садот.

За кремот:

Ставете ги сите состојки во сад со средна големина и со миксер матете на висока брзина сè додека не се формираат цврсти врвови во смесата. Поставете го кремот еднакво над целата торта.

За декорација:

Наредете ги колачињата што ги подготвивте според другиот рецепт вметнат во состојките. Рузмаринот нека ви послужи како дрвца над „снежната“ површина на тортата. Останува уште шумското овошје, што можете да го наредите по сопствена желба.

(3) Декорирајте ја трпезата за новогодишната прослава со оваа прекрасна торта


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар