Претходно
Дали секогаш ви е ладно или топло? Зад овие состојби може да се крие голем проблем!
Воопшто не е пријатно постојано да ви биде ладно додека надвор температурата е доволно висока за одење со кратки ракави. Исто така, не е добро ни да ви е топло и да се потите во сред зима. Но, овие состојби не се случајни. Тие често можат да укажуваат на здравствени проблеми или пак, да се поврзани со умор и стрес.
Здравје
Топлината може да укажува на хормонални проблеми поврзани со климакс, висок крвен притисок, зголемена работа на тироидната жлезда или пак, на бактериски и вирусни инфекции. Од друга страна, чувството на студенило неретко е одговорно за анемија, намалена работа на тироидната жлезда, претерано ниска телесна тежина и слаба циркулација на крвта предизвикана од недоволно физичка активност. Во секој случај, потребно е да направите целосен систематски преглед со цел да се одреди вистинскиот проблем и да се најде соодветната терапија.
Стрес
Ситуациите кои изобилуваат со стрес предизвикан од тешкиот распоред и напорната работа често се одразуваат на здравјето. Понекогаш тоа се манифестира како непријатности во температурата. Доколку се потите додека другите го зголемуваат греењето, а здравствено сè е во ред со вас, тогаш можеби е време да забавите и да земете одмор.
Депресија
Доколку срцето е ладно, истото го чувствува и телото. Оваа состојба најчесто не е поврзана со температурата на воздухот. Доколку се чувствувате осамено, несфатено и депресивно, тоа е доволна причина за да ви биде и физички непријатно. Од друга страна, поминувањето квалитетно време со блиски личност може многу добро да му влијае на вашето тело.
Како да ги избегнете непријатните температурни бранови?
Облеката и храната играат огромна улога при прилагодувањето на надворешните услови. Во ладните зимски месеци обидувајте се да јадете повеќе храна како супа и варива, а исто така не е лошо да го зголемите и внесувањето на јаглехидрати преку лути зачини. За време на топлите летни денови се препорачува повеќе зеленчук, салати и полесни оброци. Исто така одржувајте ја собната температура помеѓу 21 и 24 степени.
Психолошката состојба има огромно влијание, па токму затоа е и подложна на автосугестии. Тоа значи дека замислувањето на топли краеви ќе му помогне на вашето тело да лачи повеќе ендорфини, кои се заслужни за регулирање на телесната температура, а со тоа и ќе ве врати побрзо во нормала.
