12-те закони на кармата: Земете си го животот во свои раце

Што е карма? Таа е еден вид еквивалент на Њутновиот закон за акција и реакција. Кога размислувате, говорите и делувате, вие иницирате сила која ќе има соодветна реакција. Оваа повратна сила може да биде модификувана, променета или спречена, но повеќето луѓе не се во состојба да ја неутрализираат. Овој закон за причина и последица не треба да се гледа како казна, туку како начин на кој можете да учите и да се развивате.

12-те закони на кармата: Преземете го животот во вашите раце

1. Закон за акција – Што си сеел, тоа ќе си жнееш

Ова е исто така познато и како закон за причина и последица. Тоа значи дека сè што испраќаме во вселената, со тек на време, ќе ни се врати назад. Доколку сакаме среќа, мир, љубов и пријателство тогаш и ние треба да сме среќни, мирољубиви, исполнети со љубов и пријателски настроени…

2. Закон за создавање – Животот не се случува сам по себе, тој бара наше учество

Ние сме едно со Универзумот, и однатре и однадвор. Сè што нè опкружува говори за нас и за нашата внатрешна состојба. Бидете свои и опколете се со сите оние нешта кои сакате да бидат присутни во вашиот живот.

3. Закон за понизност – Не можете да промените нешто доколку не научите да го прифатите

Она што одбивате да го прифатите, постојано ќе оди во ист чекор со вас. Доколку одредени нешта постојано ги гледате како ваши непријатели и штетници, тогаш вие едноставно не сте подготвени за повисоко ниво на постоење.

4. Закон за развој – Каде и да одиш, таму ќе бидеш

Ние сме оние кои треба да се промениме, а не луѓето и нештата околу нас. Сè што имаме во овој живот сме ние и единствено над нас треба да воспоставиме контрола. Кога ќе се промениме ние самите од внатре, тогаш нашето срце, како и целиот живот и сè останато околу нас ќе ја следи таа промена.

5. Закон за одговорност – Кога ќе се појави нешто лошо во вашиот живот, тоа значи дека постои и нешто лошо во вас самите

Вие сте одраз на нештата околу вас, и она што е околу вас е одраз на вас самите. Тоа е универзална вистина. Токму затоа треба да станете одговорни за својот живот.

6. Закон за поврзаност – Дури и кога ни изгледа дека правиме нешто за џабе, многу е важно да го направиме како што треба

Сè во Универзумот е поврзано. Секој чекор води кон нареден. Токму затоа мора да се започне од нешто, што било, со цел да се пристигне до нешто друго. И првиот и последниот чекор имаат иста важност, бидејќи и двата се потребни со цел да се оствари задачата.

7. Закон за фокус – Не можете да размислувате за две нешта истовремено

Кога вашиот фокус е насочен кон духовните вредности, тогаш нема да имате низа пориви како алчност, похота или бес.

8. Закон за давање и гостопримство – Ако верувате дека нешто е вистинито, тогаш одвреме-навреме треба да го демонстрирате тоа и во животот

Она што во одредени моменти сметате дека сте го научиле, треба и да го покажете во пракса.

9. Закон за сега и овде – Доколку премногу гледате во минатото, пропуштате да бидете сега и овде

Стари мисли, стари начини на однесување, стари соништа… Сите овие нешта нè спречуваат да имаме нови нешта.

10. Закон за промени – Историјата ќе се повторува сè додека не ги научите лекциите кои ви се потребни за да го промените својот пат

Учете од грешките, но обидете се и да ги запомните тие лекции бидејќи во даден момент можете повторно да се најдете на истото место како и претходниот пат кога сте биле во иста или слична ситуација.

11. Закон за трпение и наградување – Секоја награда бара почетен труд

Наградите кои имаат трајно делување бараат трпение и постојан труд. Вистинската радост доаѓа кога ги работиме оние нешта кои треба да ги правиме и ѝ дозволуваме на наградата да дојде сама, во свое време.

12. Закон за значење и инспирација – Секогаш ни се враќа она што сме го вложиле

Вистинската вредност на нешто е резултат од енергијата и намерата кои биле вложени во тоа. Секое лично придонесување носи и своја награда. Оние нешта на кои им недостасува светлина се бледи и мали, додека оние кои содржат љубов носат живот и инспирација.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар