Претходно
10 домашни растенија што може да доведат до труење на организмот
Луѓето сè почесто ги украсуваат своите домови со домашни растенија, но треба да внимавате кога одбирате растенија затоа што некои може да бидат опасни за вашето здравје. Погледнете го овој список со растенија што може да доведат до труење.
1. Дифенбахија
И покрај тоа што има прекрасни лисја, дифенбахијата е едно од главните растенија што може да доведе до интоксикација.
Случајното изложување може да предизвика плускавци во устата, дијареја, гадење и повраќање, чувство на печење на устата и грлото, оток и болка.
2. Сансеверија
Ова растение содржи супстанција наречена сапонин, која може да биде токсична ако се проголта.
Бидејќи сапонините можат да предизвикаат гадење, повраќање и дијареја, подобро е да го чувате ова растение понастрана од домашните миленици.
3. Замија
Ова растение може да предизвика болка, иритација на кожата и оток ако се проголта.
Ако стапите во контакт со него, исплакнете ја изложената површина со вода и консултирајте се со медицински професионалец доколку е потребно.
4. Алое вера
Ова растение има различни намени и неговото присуство на овој список може да ве изненади. Според научниците, ова растение содржи супстанции што може да предизвикаат дијареја, алергии и проблеми со бубрезите.
5. Невен
Ако се проголта, невенот може да предизвика проблеми со гастроинтестиналниот тракт. Сокот од ова растение може да предизвика осип на кожата.
6. Филодендрон
Филодендронот содржи супстанција наречена калциум оксалат која може да предизвика болка и тешкотии при голтање. Иако ова растение може да изгледа убаво, не заборавајте да го чувате понастрана од домашните миленици.
7. Каладиум
Неговите лисја во форма на срце се многу убави, но ова растение може да биде опасно и отровно.
Ако животните и децата стапат во контакт со лисјата на каладиумот, може да се појават тешкотии во дишењето. Во овој случај, најдобро е да контактирате со специјалист за токсикологија или да одите во центар кој е специјализиран за справување со труења и да ја измиете погодената област.
8. Потос
Ова растение е познато како ѓаволски бршлен и има големи, убаво обликувани лисја што го прават многу елегантно кога станува збор за уредувањето на домот.
Но, ова растение содржи калциум оксалат, што може да предизвика иритација на усните, јазикот и устата, па дури и повраќање.
9. Еуфорбија тирукали
Ова растение е познато и како кактус молив, но иако изгледа убаво, тоа содржи корозивен сок што може да предизвика екстремна иритација на кожата и на очите. Поради тоа, кога го допирате ова растение, мора да користите ракавици и заштита на очите.
Ако растението дојде во контакт со очите, може да се појават црвенило, чешање и чувство на печење, па дури и да има негативен ефект врз видот на луѓето.
10. Бутин/напрсток
Лисјата, цветовите, па дури и семето од ова растение содржат супстанција позната како дигоксин, што може да биде фатална за животните и за луѓето ако го голтнат ова растение.
Поради својата токсичност, чувањето на ова растение дома може да биде ризично за здравјето на луѓето и на животните.
Сепак, ако сакате да чувате некои од овие растенија дома, чувајте ги подалеку од децата и од домашните животни и секогаш носете ракавици кога се грижите за нив.
Прочитајте кои домашни растенија може да имаат позитивно влијание врз здравјето.
