Во која држава е најопасно да се биде жена?

Според истражувањето од фондацијата Thomson Reuters, Индија е најопасната држава за жените. Извештајот е направен според истражување од 550 експерти во врска со сексуално насилство врз жените, трговија со луѓе, присилена работа, присилен брак и сексуално робје.

Во која држава е најопасно да се биде жена?

Истражувањето било спроведено помеѓу март и мај со експерти од Европа, Африка, Америка, Југоисточна Азија, Јужна Азија и Пацификот. Истражувачите биле академици, медицински лица, членови на невладини организации и социјални коментатори.

Индија се рангирала како најопасна држава не само според горенаведените фактори, туку и поради културните и традиционалните обичаи како напад со киселина, осакатување на женски гениталии, физичка злоупотреба и детски брак.

Податоците од владата покажуваат дека криминалот против жените пораснал за 83% помеѓу 2007-ма и 2016-та година. Секој час се пријавуваат 4 случаи на силување.

Државата неколку пати се најде на насловните страни поради големиот број сексуални напади врз жените. Порано оваа година, 8 мажи беа обвинети за групно силување на 8-годишно девојче. Во април 7-годишно девојче било силувано и убиено на венчавка. Илјадници луѓе се кренале на протест по смртта на 16-годишно девојче кое било силувано и запалено живо во нејзиниот дом. Пратеникот Манјунта Гангадхара изјавил:

„Индија покажа невидено непочитување кон жените… Силувањата, силувањата во брак, сексуалните напади и вознемирувања не се намалуваат. Најрастечката економија во светот и лидерот за вселена и технологија е засрамувана поради насилство против жените.“

Во првите 10 се нашла и Америка. Овој податок ги изненадил експертите. Движењата #MeToo и Time’s Up против сексуалното вознемирување ја ставија единствената држава од западот на листата. Оваа година дузина актерки раскажаа за нивните вознемирувања од страна на големите имиња во Холивуд.

Ова се 10-те држави во кои е најопасно да бидете жена:

1. Индија

2. Авганистан

3. Сирија

4. Сомалија

5. Саудиска Арабија

6. Пакистан

7. Демократска република Конго

8. Јемен

9. Нигерија

10. Америка

Дознајте и што им било забранувано на жените во изминативе 100 години.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар