Претходно
Топ 5 предлози за овој викенд: Супер забава во која ќе уживате сами!
Викендот е пред вас, а вие сè уште немате никакви планови? Вашите пријателки се зафатени со работа, вашето момче е заминато на пат, а вашата сестра е ангажирана на училишниот проект на кој треба потполно да се сконцентрира. И покрај ова, вие сакате да излезете, да се релаксирате, а пред сè добро да се забавувате. Па затоа, „напишете“ сценарио за вистински викенд со уживања и секако не заборавајте: Вие ја играте главната улога.
1. Време е за десерт!
Овој петок заборавете на калориите, диетите, костимот за капење… И разгалете го чувството за вкус. Свртете се кон царството на чоколадите и вкусните кремови. Па затоа, посетете ја најдобрата слаткарница во вашиот град, храбро нарачајте го најголемото парче и уживајте. Ова е ден кој е посветен на вас и на вашето царство на слатки.
2. Негувајте се!
Знаеме дека тоа го правите секојдневно, но денес дозволете си некој поразличен третман од вообичаениот. После туширањето нанесете лосион за тело од истата колекција од која е вашиот омилен парфем.
3. Правец во кино!
Признајте, кога последен пат сте биле во кино и тоа сами? Многу одамна, зар не? Време е нешто да направите за да го промените тоа. Одберете некоја романтична комедија или пак нешто од вашиот омилен жанр. Дозволете им на чувствата да ве понесат.
4. Наспијте се!
Има ли нешто поубаво од „природно“ будење во недела? Ќе се сложите дека часовникот и алармот кој секојдневно ве потсетуваат дека е време за на работа делуваат фрустрирачки. Затоа исклучете ги сите уреди кои имаат аларм и спијте колку што ви пријае. Никаде не брзате.
5. „Нурнете“ во светот на книгите!
Неделното попладне е идеално време за да прочитате некоја топла, емотивна, остроумна, а воедно и духовите книга. А, доколку се запрашувате дали постои книга со сите овие карактеристики, тогаш ве предизвикуваме да „нурнете“ во светот на книгите и да ја пронајдете вистинската.
