Шарлиз Терон го открива страшното влијание на лошата исхрана врз менталното здравје

На Шарлиз Терон не ѝ се непознати физичките трансформации за филмските улоги. Но нештата тргнале на лошо додека се подготвувала да ја глуми преморената мајка на три деца во филмот „Тули“ (Tully).

Шарлиз Терон го открива страшното влијание на лошата исхрана врз менталното здравје

Бидејќи требало да се здебели 23 килограми за улогата, Шарлиз почнала да страда од депресија. Наскоро реалноста на нејзиниот лик почнала да станува дел и од нејзиниот начин на размислување.

„Знаете, беше огромно изненадување за мене. Депресијата ме удри во лице навистина силно. За прв пат во мојот живот јадев премногу преработена храна и пиев премногу шеќер. Не беше многу забавно да се биде во овој филм.“

Пред помалку од една година, Шарлиз разговарала со Хауард Стерн за нејзината љубов кон храната.

„За мене рајот би бил само чипс.“

Но сега прозборела за тешкотиите со кои се соочила додека качувала килограми за улогата, како и за страшните ефекти што ги имала нездравата исхрана, особено на нејзиното здравје. Се сеќава дека му се јавила на нејзиниот доктор во паника.

Јадењето преработена храна може да предизвика оштетување на мозокот, а менталните болести можат да се развијат поради недостаток на хранливи материи. Покрај тоа, многу истражувања покажале директна поврзаност помеѓу стомакот и менталното здравје.

По првите неколку недели со брза храна, јадењето станало активност со полно работно време за Шарлиз. Дури правела потсетници сред ноќ за да јаде.

Покрај тоа, слабеењето се покажало како уште потешко. Иако на Шарлиз ѝ било лесно да ослаби по нејзината улога во „Чудовиште“ (Monster) каде што глуми сериски убиец, овој пат предизвикот бил поголем. Всушност, на актерката ѝ биле потребни 18 месеци напорна работа за да се врати во форма, притоа работејќи и грижејќи се за нејзините мали деца.

Сепак Шарлиз смета дека сето ова вредело бидејќи ѝ дало шанса да прикаже помалку позната страна на родителството, онаа потешката.

„Борбата е реална за сите. Ве тера да сфатите дека на никој не му е полесно отколку на вас или дека не искусува ниту една од тие работи. Неуредно е.“

Дознајте нешто повеќе за врската помеѓу менталното здравје и исхраната.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар