Рајот за читателите: Посетете го мирното гратче на книгите во Велс!

Хеј Он Вај (често само Хеј) е мал трговски град кој се наоѓа на брегот на реката Вај на границата помеѓу Велс и Англија. Овој град е познат по тоа што има преку 40 книжарници во кои можат да се купат евтини и користени книги. Освен книжарниците, насекаде низ градот има штандови полни со прекрасна литература. Градот исто така е домаќин на „Фестивалот на книгите“, кој Бил Клинтон во 2001 го прогласил за „Вудсток за умот“. Овој фестивал секоја година го посетуваат околу 80.000 писатели, издавачи и љубители на пишаниот збор од целиот свет.

Сѐ започнало во 1961 кога Ричард Бут ја отворил својата прва половна книжарница во старата зграда на противпожарната служба. Книгите ги набавувал од Америка, а таму во тоа време книжарниците постојано се затварале. По некое време, во градот се отворени уште неколку книжарници, а веќе до 1970 Хеј станал познат како „градот на книгите“. Денес ова малечко гратче има околу 500.000 посетители годишно.

Меѓу сите видови книжарници, најубави и најнеобични се т.н. „чесни книжари“ – тие се без продавач и се состојат само од полици и книги. Тоа функционира така што луѓето едноставно одбираат книга и оставаат пари во малите поштенски сандачиња.