Поучна приказна за едно гордо момче што ќе ве наведе на размислување

Претераната гордост и егоизмот се негативни особини кои се штетни не само за околината, туку и за самиот човек кој ги поседува. Тие се главните виновници за распаднатите пријателства, уништените љубовни врски и нарушените односи помеѓу членовите од семејството. Следнава поучна приказна ќе ви докаже дека понекогаш добро е да си ја погазите гордоста, бидејќи само на тој начин ќе успеете да ги сочувате суштинските човечки вредности…

Поучна приказна за едно гордо момче што ќе ве наведе на размислување

Си бил некој мудрец кој имал многу ученици, меѓу кои и едно богато, но гордо момче. Момчето било подготвено за само еден единствен навредлив збор да се бори до крв. Со цел да го излечи од гордоста и импулсивноста, мудрецот му ја дал следнава задача: 3 години да патува низ светот и да им дава пари на сите луѓе кои би сакале да го навредат со зборови.

Младиот човек ја прифатил задачата и тргнал на пат околу светот. Патувал и им давал пари на сите оние кои се согласиле да го навредат. Кога поминале 3 години, тој се вратил кај својот учител.

Пред портите го пресретнал чуварот кој одеднаш го нападнал и почнал да го навредува. Момчето слатко се изнасмеало. Чуварот се изненадил од таквата реакција и зачудено го прашал:

„Зошто се смееш?“

„3 години им плаќам на луѓето кои барем малку би ме навредиле, а еве ти бесплатно ме навреди најмногу од сите досега!“, му одговорило момчето.

Кога мудрецот видел дека неговиот ученик си ја научил лекцијата, многу се израдувал и го пофалил пред сите.

Доколку ви се допадна оваа приказна, прочитајте ја и следнава поучна приказна која ќе ве убеди дека секое лошо носи и нешто добро.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар