Писмо од Алберт Ајнштајн до неговиот син, што мора да го прочитаат сите „лоши“ ученици

Алберт Ајнштајн сакал да сонува и да талка со мислите за време на часовите, бил расеан и често ги игнорирал своите училишни задачи. Поради тоа и денес многумина би го нарекле лош ученик. Некои предмети едноставно му се допаѓале повеќе од останатите, па ним им посветувал повеќе внимание, додека пак другите ги занемарувал.

Писмо од Алберт Ајнштајн до неговиот син, кој мора да го прочитаат сите „лоши“ ученици

Кога пораснал и станал родител, тој секогаш сметал дека на децата треба да им се пружи слобода да откријат што ги интересира. Неговите деца, синовите Ханс Алберт и Едуард кој го нарекувал Тете, ги поттикнувал да развиваат интереси кои не се врзани со училиштето. По разводот од неговата сопруга Милева, Ајнштајн отишол да живее во Берлин, а неговите синови живееле со мајка им на релација Виена-Цирих. Во писмото кое во 1915 година му го пратил на тогашниот 11-годишен Ханс Алберт, тој го советува да се држи до свирењето клавир и дрводелството, кое малото дете ги сакало, затоа што за него тоа е „дури подобро и од училиште“.

За разлика од многуте кои до ден денес не го сфаќаат ова, Ајнштајн знаел дека не постојат лоши ученици. Тоа е само лош назив за децата и младите кои не добиле можност да ги развиваат своите специфични интереси, туку се обидувале да се вклопат во наставните програми кои веќе постојат и во пропишаните активности. Во продолжение прочитајте го писмото во кој големиот научник открива како може децата најмногу да научат.

Писмо од Алберт Ајнштајн до неговиот син, кој мора да го прочитаат сите „лоши“ ученици

Мој драг Алберт,

Вчера го добив твоето писмо и бев многу среќен поради тоа. Веќе се плашев дека повеќе нема да ми пишеш. Кога бев во Цирих, ти ми рече дека ти е чудно кога доаѓам таму. Поради тоа мислам дека е подобро да се најдеме на некое друго место, каде што нема никој да ни пречи.

Без оглед на сѐ, ќе та замолам секоја година да поминуваме цел месец заедно, за да видиш дека имаш татко на кој си му драг и кој те сака. Од мене можеш да научиш многу добри работи, нешто што другите не можат лесно да ти го понудат. Она што сум го постигнал со напорна работа, не е само за странци, туку посебно за вас, мое момченце. Овие денови завршив една од најубавите работи во мојот живот и кога ќе бидеш поголем ќе ти зборувам за тоа.

Мило ми е што слушам дека уживаш во свирењето клавир. Според мое мислење, клавирот и дрводелството се најдобри работи за момчиња на твои години, дури и подобри од училиште. Тоа се работи кои на млада личност како тебе одлично ѝ одговараат.

Свири го она што ти се допаѓа, дури и ако професорите не ти даваат тоа да го вежбаш. Тоа е начин на кој најмногу ќе научиш, уживајќи во тоа што го работиш до таа мера што нема ниту да забележиш како поминало времето. Јас сум понекогаш толку окупиран со работата, така што заборавам на својот пладневен оброк.

Ви испраќам бакнежи на тебе и на Тете,

Тато.

Поздрав и за мајка ви.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар