Неверојатна можност: Изнајмете ја куќата во која е роден Хари Потер

Ако сте фан на најпознатиот волшебник на светот тогаш сигурно ќе ве израдува веста дека сега можете да преспиете во куќата во која е роден.

Неверојатна можност: Изнајмете ја куќата во која е роден Хари Потер

Секако дека станува збор за Хари Потер и куќата која во филмот беше дом на неговите родители Лили и Џејмс Потер, а се изнајмува преку веб-сајтот „Airbnb“. Да не дојде до забуна, станува збор за куќата во која Хари Потер ја помина првата година од животот, пред лордот Волдеморт да ги убие неговите родители, а не за домот на семејството Додли каде што живееше до заминувањето во Хогвортс.

Се работи за средновековна англиска куќа. Куќата „DеVere“ се наоѓа во градот Лавенам во округот Сафок и е една од најмагичните средновековни куќи во тој дел од земјата. Датира уште од XIV век и задржала голем број од карактеристиките од тој период, како дрвените конструкции, каминот, ѕидните слики, спиралниот столб кој е рачно исклесан со украси на циглите. Изградена е во еклектичен стил и гостите може да ги користат сите соби и бањи, како и собата за читање со камин и градина.

Неверојатна можност: Изнајмете ја куќата во која е роден Хари Потер

Во цената е вклучен и англиски појадок кој ќе ви биде послужен во трпезаријата, во главниот дел од куќата. Со оглед на градбата и староста на куќата газдите нагласиле дека не е дозволен престој за кучиња и деца и дека куќата не е пристапна за лица со попреченост.

Куќата се изнајмува на најмалку две ноќи, а цената за две лица е 18.270 денари. Освен што ќе спиете во домот на Хари Потер ќе бидете опкружени и со историјата на Велика Британија, како и со серијалот за најпознатиот волшебник на светот. Имено, Лавенам во филмот го „глумеше“ измисленото село Годрикова Долина. Куќата можете да ја изнајмите дури и на еден месец, па така ќе имате време да ги доживеете сите соништа за Хари Потер.

Неверојатна можност: Изнајмете ја куќата во која е роден Хари Потер

Ако сте фанови на овој серијал, ќе сакате да се потсетите на овие љубовни цитати од „Хари Потер“ што ќе ви го стопат срцето.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар