Претходно
Неверојатен „облак од цунами“ во Флорида
Датум: 14 фев 2012
Коментари: 0
Неверојатен временски феномен беше забележан на 5 февруари, покрај бреговите на плажата Панама Сити во Флорида. Овој несекојдневен „облак во форма на бранови“ се случува во многу специфични временски услови. 
Иако онлајн заедницата ја нарече оваа појава „облак од цунами“, сепак не се работи за елементарна непогода. Додека вистинските цунами-бранови се формираат брзо, овој „облак од цунами“ се движи полека, со брзина на умерен ветар.
Маглата создадена при оваа појава не претставува никаква закана. Можно е овој „облак од цунами“ да се случи неколку пати во годината.
Метеорологот Ден Сатерфилд ја објаснува оваа појава: „Студениот воздух покрај морскиот брег бил близу до точката на сатурација со температура од околу 20°C и точка на росење од 19,5° C. На оваа температура воздухот може да содржи одредено количество на водена пареа. Колку долго ќе се задржи пареата, во голема мера зависи од температурата. Ако во воздухот се додаде повеќе вода, ќе се создаде облак. Но, облакот може да се создаде и со ладење на воздухот. Ако температурата се намали, воздухот нема да може да ја задржи водената пареа. Ќе настане кондензација и ќе се формира облак“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
