На пијачка со хобитите
Ако некогаш тргнете по патот кој го минуваа хобитите во трилогијата „Господарот на прстените“, а ќе го минуваат и во „Хобитот“, сега имате место каде да се одморите од долгиот пат. Пабот на Зелениот змеј (Green Dragon Pub) во Нов Зеланд е местото наменето за „да се напиете, да поразговарате и да си ги одморите влакнестите нозе“.
Пабот се наоѓа во Хобитон, локација на која се снимани делови од трилогијата. Уреден е во духот на Средната Земја од страна на тим од 80 работници предводени од уметничкиот директор Брајан Маси. Тој е вметнат како последен дел од туристичката тура во овој живописен крај за да можат посетителите на мира да се напијат пиво, вино или јаболково вино.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.