Корисници на Твитер ги откриваат нивните најсрамни моменти во животот

Едно од најдобрите нешта за социјалните мрежи е тоа што ни овозможуваат да се поврземе едни со други. А има ли подобар начин да бидеме ранливи од тоа да ги споделиме најнепријатните моменти од нашите животи?

Корисници на Твитер ги откриваат нивните најсрамни моменти во животот

Корисникот на Твитер познат како @Austin_James74 ги замолил луѓето да ги споделат нивните приказни со прашањето: „Што е најсрамното нешто што ви е има случено?“ Погледнете ги најсмешните одговори.

„Бев да земам нарачка. Како што девојката ми ја подаде храната, мојот мозок се побрка и ѝ реков: ‘Те сакам.’ Избегав од продавницата најбрзо што можев.“ – @weird_al_77

„Бев на еден медиумски настан и разговарав со една интересна дама. Кажав чудна шега за машката анатомија, таа се насмевна и си замина. Откако отидов на моето место, дамата се качи на сцената и ја претставија како новиот извршен директор…“ – @theregos

„Отидов на состанок. Од чантата на девојката излезе лебарка.“ – @aproko_doctor

„Ѝ го масирав долниот дел од грбот на една клиентка. Таа испушти гас толку гласно што скокнав и извикав: ‘Ох, ме исплаши!’ Не ми даде бакшиш.“ – @mattyfresh26

„Се измокрив во гаќи на 4-тиот роденден на другар ми бидејќи не сакав да ја откријам нашата позиција додека игравме криенка. Ме прогонува и денес. Не можам да верувам дека изгубивме бидејќи направив вирче во неговата кујна.“ – @Adam_Houlihan

„Бев на состанок за прв пат по неколку месеци. Тој ми купи пијачка. Беше ужасна и како голтнав веднаш повратив. Но успеав сè да задржав во устата и седев така 5 минути бидејќи ме фати паника.“ – @TatterTotttt

„Работев во една продавница и влезе жена со патерици што разгледуваше. Ја прашав како е, ми кажа дека е добро и тогаш ја прашав: ‘Освен ногата, така?’ Таа не ми одговори, а подоцна забележав дека има само една нога.“ – @jeffreyd

„Разнесувам пица и отидов кај една постара жена на која ѝ имам носено пици и претходно. Ѝ ја подадов пицата, а таа не ја фати. Стоев така 3 минути, чекајќи ја да посегне по неа, пред нејзиниот сопруг да ми каже дека е слепа.“ – @BrittanyPack1

„Носев чевли со високи потпетици и одев во кафетеријата на работа. Се сопнав и паднав на лицето. Толку се засрамив што се преправав дека изгубив свест, па морав да одам и во брза помош.“ – @BabyGuerl

„Кога имав 12 години татко ми влезе во тоалетот и ме виде како стојам гол на лавабото и го испитувам мојот анус во огледалото.“ – @jayduplass

„Налетав на еден познаник со кого секогаш разговарам кога ќе се сретнеме. Му посакав среќа за партијата пиво понг и тој се подаде за да го бакнам во образот. Не знаев што да направам и само го залепив мојот образ за неговиот.“ – @AshleighAmor

„Бев малку пијана и го возев мојот велосипед после состанок во малку опасен дел од Бруклин. Чувствував како да ме гледаат чудно, но си реков дека сум параноична. Но тогаш еден тип извика: ‘Еј, ти излегла градата!’ Да, мојот фустан се спуштил надолу од чантата и возев топлес.“ – @bridgetwi

„Додека излегував од бензинската забележав навистина згодно момче кое си го полнеше резервоарот со гориво. Поради некоја причина и спротивно на моето однесување, му ‘пратив’ бакнеж во воздух, а потоа го удрив автомобилот во такси.“ – @Helenreade5

„Имав 14 години и со пријателката шетавме по улица. Еден средовечен човек ни свирна од бело комбе и јас му го покажав средниот прст. Пријателката рече: ‘Тоа е татко ми.’“ – @Cassie_write

„Во увото на моето момче извикав: ‘Се чувствувам како да не носам ништо!’ Излезе дека тоа бил целосен странец и ми рече: ‘Мислам дека ѝ зборуваш напогрешната личност.’“ – @t_isfortaya

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар