Какво влијание има зјапањето на родителите во телефоните врз нивните деца?

Едно неодамнешно истражување покажало дека забавувањето со апликации на телефонот од страна на родителите, наместо играње со нивните деца, има штетно влијание на врските помеѓу нив и предизвикува проблеми во детското однесување.

Какво влијание има „зјапањето“ во телефоните од страна на родителите врз нивните деца?

Децата кои не добиваат доволно внимание и поддршка од родителите воглавно се фрустрирани и хиперактивни. Во истражувањето учествувале 183 пара родители и нивните деца на возраст до 5 години. По набљудување на нивното однесување се заклучило дека децата се гневни и имаат изливи на бес.

Во период од шест месеци родителите поднесувале извештај за нивната употреба на технологијата и го опишувале однесувањето на нивните деца. Во речиси сите случаи, времето поминато со разни уреди, дури и кога тоа било еднаш дневно, ја прекинувало квалитетната комуникација помеѓу родителите и детето. И мајките и татковците забележале дека тоа имало влијание на однесувањето на детето, а нив пак, им се зголемувало нивото на стрес.

За жал оваа ситуација е многу честа во 21-виот век. Родителите се навикнати да трошат време на популарните апликации и медиуми со цел да направат пауза. На пример, американските родители поминуваат најмалку 9 часа дневно гледајќи телевизија, сурфајќи на Интернет на нивниот компјутер или на нивниот смартфон. Ако покрај тоа родителите се незадоволни и од семејната ситуација или социјалниот живот, уште толку ќе се потпираат на дигиталната технологија. Некои родители користат технологија со цел да одморат од децата, дури и кога тие имаат потреба од нивното внимание.

Во истражувањето се нагласува дека главен фокус треба да биде директниот контакт и комуникацијата со детето. Експертите препорачуваат секој ден да се одреди период во кој нема да се користи технологија и кој родителите ќе го поминуваат со децата во парк, макар и да читаат весник додека ги надгледуваат. Ова многу помалку го нарушува односот помеѓу детето и родителите за разлика од ситуациите во кои има технолошки уреди помеѓу нив.

Погледнете и за кои проблеми во однесувањето на децата се виновни родителите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар